HKSAVER - 財經新聞

Labels: 在赤貧与髒亂中反思——印度自由行紀錄[組圖]

P09 信報財經新聞 曹仁超
2006-07-15

投資者日記
中東油資進駐國內地產



　　　7月14日，周五。恒生指數跌169.77，收16135.71；成交二百八十一億三千三百七十二萬二千元。期指接近平水，跌186點，收 16136點。油價升至七十八美元，令中國國航（753）跌2.5％；南方航空（1055）跌2.3％。利豐（494）因擔心美國零售放緩而下跌 2.4％。

　　日本央行結束零利率政策，宣布六年來首次加息至零點二五厘，令日經平均指數大跌。後市展望，仍唔使過分憂慮，因為仍是上落市格局，個別發展。

從台股例子可分析日股

　　冠君產業（2778）上牌至今，股價累積下跌28％，已到超賣區，2006年回報率七厘七，2007及2008年七厘，相較恒生指數今年息率平均三厘八，明年四厘。作為債券睇已十分吸引，何況本港寫字樓租金及售價仍在上升。

　　鋁礬土現價四百六十美元一噸，代表中國鋁業（2600）面對減價壓力；加上鐵價由6月至今回落14％，對內地鋼鐵股亦不利。

　　世界經濟及股市皆非直線上升，而係循環周期有升有跌，但大方向仍係向上。1967年前，美股一個循環周期三十五至三十七個月，跌市一般只佔十 二個月，跌幅25-30％；指數大部分日子在二百天線之上，但由1967年至82年跌市日子比較長。2000年至2002年，跌市可以長達三十個月，升市 長達四十四個月，即經濟環球化後一個循環周期可達七十四個月，係1967年前一倍，各位宜小心。

　　台灣股市十分奇怪，過去一直不振，直到八十年代後期因市場逐步開放，令指數由1986年1000點升至1990年12000多點。隨中國長 三角市場向台商招手，台灣股市從此再無法高出12000點，相信同近十五年來台灣走經濟孤立主義有關。此政策令台商不能從中國改革開放政策中受惠，形成過 去十五年台股只能升升跌跌，再升唔穿1990年的12000點。資金過剩缺乏出路，一度推高台股在1997年及2000年台股重返10000點，但因缺乏 公司業績支持，台股又再回落。台股例子亦可用作分析日股，1999年至2000年零利率政策，令日經一度升破20000點，一旦取消又再回落；2001 年4月起恢復零利率政策，日經2003年4月才上升；雖然今天宣布加息四分一厘，但日股早在今年4月由高點回落，並在今天出現死亡交叉點（五十天線低於二 百天線），確認熊市。

　　日本銀行決定加息四分一厘，肯定有利日圓價，卻不利日經平均指數，唔少策略投資者早已拋空日經購買日圓。一般人都唔識策略運用，而一再錯過獲利機會。

　　日本上半年通脹率0.6％，利率應逐步返回零點七五厘或以上才合理，只係一旦冇貨幣泛濫支持，日經平均指數會點？

樓價回落一年後消費減少

　　貨幣供應充沛而產生短暫繁榮，香港亦經歷過兩次。第一次係1971年至1973年美元貶值潮；第二次係1990年至1997年外資湧入香港卻入唔到中國所製造出來，其後代價甚大。

　　經濟環球化，工序外判提升生產力，令美國股市由1982年起進入牛市，至2000年共十八年（媲美戰後美國經濟由1949年好到1966年， 亦係約十八年）。經濟繁榮期2000年結束，但2001年1月起美國放寬銀根，產生短暫繁榮，在同美元掛下，中國面對首次貨幣泛濫。隨美元利率逐步回 升，今年5月10日起經濟逐步返回正常，所產生壓力漸漸加重。目前有59％人認為，聯儲局8月8日會加息至五厘半。2004年6月開始加息潮，到今年 5月壓力漸漸出現。

　　澳洲5月份貿赤上升一倍，至二十二億七千萬澳元，令澳元價受壓，跌至七十五美仙；十年期債券孳息率五厘八四。二十三位分析員中，有二十位估計8月澳洲會加息。澳洲用油69％來自入口，油價上升對澳洲不利。

　　貨幣泛濫結果，往往令當地樓價上升而刺激消費增加；通常在樓價回落十二個月後，消費才減少。美國6月份零售數字係咪開始反映呢方面情況？電 腦零售已走下坡，目前電視機銷售亦受影響，跟住係手機……。由美國推動環球製造業好景似乎走向結局篇，電腦生產商首先受壓，接電視機生產商，然後到手 機生產商……。

　　記得1995年我老曹首次投資倫敦金絲雀碼頭物業（因Reichmann兄弟的O&Y地產公司破產），當年六百五十方呎、三層高樓 房只賣八萬五千英鎊一層；今天金絲雀碼頭成為倫敦金融中心，呢類三層高物業市場上已很少供應，取而代之係大廈式建築，三百八十方呎一房一廳可賣二十五萬英 鎊，五百方呎兩房一廳隨時達四十萬英鎊（折合五百八十萬港元，約一萬一千多港元一方呎）。

京滬樓價可與港睇齊

　　1995至1997年我老曹投資倫敦物業，理由係本港樓價四倍於倫敦，諗唔到今天倫敦樓價係香港一倍。我老曹在2004、2005、 2006年都在減持，已售出所持倫敦物業70％，因認為倫敦樓價已太貴；反之，深圳、廣州、上海、北京等樓價只及香港三分一，在宏調壓力下，今年可能漲不 起來，但睇番十年八年後，相信上海、北京樓價有機會同香港睇齊！下一房地產投資係咪在大陸？同倫敦唔同，在英國買樓，由搵律師安排買賣、銀行按揭、房屋出 租及管理等，都有專業公司提供服務，差唔多去律師樓簽個名便搞掂。至於內地物業，我老曹2003年曾考慮投資上海房地產，但卻搵唔到能夠提供呢類一條龍服 務公司而放棄，尤其係代客收租及管理樓房以保持在良好狀態（例如冷氣機壞點算？廁所冇水點算？）。內地房地產仍有大量發展空間，隨本港大型地產公司 進駐，估計內地房地產投資機會進一步擴大。另一策略係利用股市回落期吸納內地房地產股，作中長線投資。

　　阿聯酋Emaa房地產公司係中東最大上市房地產開發商，本月已進駐上海外灘，計劃投資北京和上海。

　　以色列房產公司Polar與加拿大Living Bridge（老闆亦係猶太人）合作，在上海發展五十萬畝空地，改建猶太人聚居區，樓面二十萬方米，包括酒店、辦公大樓、商業中心及居住物業，工程造價估計七億元人民幣。

　　迪拜港口世界和達馬克房地產公司負責開發天津塘沽區濱海專案，投資二十七億三千萬美元，佔地五百萬方呎，興建包括住宅、批發市場、寫字樓、五星級酒店。

　　中東「油資」正大量進駐中國房地產。目前在歐美先進國家投資房地產，合理回報率只有6-7％，但投資中國隨時獲12-14％回報。

人民幣升值唔係洪水猛獸

　　有關人民幣價爭拗，中國人民銀行貨幣政策委員會委員余永定話，1994年人民幣與美元掛後，中國儲蓄率持續高於投資率，去年投資率 48.6％，今年將超過50％，但同期儲蓄率還要更高；加上政府鼓勵出口政策，譬如引入出口型外資、出口退稅等，令中國成為加工貿易區，亦形成今天貿易 不平衡。目前中國外儲備以每月三百億美元速度上升，令流動資金每月增加一萬億元人民幣。要扭轉上述情況，就要允許人民幣更快升值，取消出口退稅，中國 經濟才能由加工貿易型產業轉為內需帶動。

　　經濟學家樊鋼話，只支持人民幣每年升值3-4％，上述可解決中國工資增長率長期低於生產力提高問題，但不應升幅太快，以免引起其他問題。

　　經濟學家易憲容認為，6月29日美國利率已見五厘二五，過去兩個多月世界上十多個國家央行宣布加息，中國也將步入利率上升周期，可抑制固定資 產投資過熱、銀行信貸過度擴張。目前內地投資過剩，其中一個理由就係銀行利率偏低，因為利率係資金成本，成本低自然出現濫用，形成粗放型經濟增長方式，形 成房地產泡沫吹大，居民財富制度性轉移，變成貧者愈貧、富者愈富，對外貿易順差亦擴大。

　　佢認為，目前好多經濟問題都係由低利率政策導致，因此人民幣利率應跟從美元升值。當前中國面對問題，唔少係美元問題所造成的。美國經濟經過 高速成長和擴張期後，要保持經濟增長，美元長期貶值及利率偏低有其需要性，只係如此一來，美元到處購買其他國家貨物或到其他國家投資，便形成全球資金泛 濫。如是浮動率，仍可透過升值或貶值減少影響；由於人民幣同美元掛，形成資金大量湧入，為對抗資金湧入，利率自然偏低，引發投資過熱。因為中國經濟實 體相較美國仍十分小，資金一旦湧入，便造成中國經濟要去承擔美元貶值及利率偏低問題。不過，由於中國經濟對外依存度高，因此不宜採取完全浮動率。

　　同七十年代唔同，當時新增貨幣引發高通脹，而近年新增貨幣主要由房地產及金融資產、商品價格上漲所吸收，取代消費品價格上漲，形成低通脹、高增長黃金局面，但係最終必然導致通脹重臨。呢個係近期各國央行紛紛加息之底因。

　　有人擔心人民幣升值影響出口企業，帶來就業率下降，事實並非如此。假使人民幣升值10％，出口產品售價五十元人民幣者可能要賣五十二元五角 （部分成本不因人民幣升值而上升，例如進口原材料），而產品在美國零售價係五十美元，入口商會否因入口成本上升5％而唔入口？答案係唔會。但美國入口商可 能在其他國家搵到同類產品而售價低於五十元人民幣，而上述情況因中國工人工資上升或出口退稅取消已可產生。何根據「十一．五」規劃，國家亦打算放棄呢類 一味以低成本爭回來訂單。反觀外國唔少國家貨幣隨時升值20％，呢Ｄ國家出口所受影響亦極之有限，點解將人民幣升值講到好似洪水猛獸？例如日圓過去已 升值300％以上，日本出口仍出現盈餘；南韓今年貨幣升值接近20％，亦唔見得有影響。反之，人民幣幣值偏低，中國付出「高價」進口、「廉價」出口代 價，形成內外經濟發展不平衡。例如加工製造能力生產過剩及內部消費市場發展不起來，巨額貿易順差及資金流入，造成房地產泡沫等。

　　內地專家亦開始明白人民幣同美元掛並非最有利貨幣政策，但要改變卻非一朝一夕事。

申請IPO全憑「信」字

　　「概念」係令「人」及「市場」出現變化理由，但「概念」要落實並唔容易，呢個係造成市場大上大落理由。唔少美好概念在落實前已壞掉，因此 需要「止蝕」，所有策略師都明白呢點。如唔肯止蝕而造成無可挽回損失，又可怪誰？無論買物業或買汽車，事前資料收集都必須全面；成功投資亦一樣。如不經 過「試車」階段便貿然落實，買一架唔適合自己車，又可怪誰？這亦是申請IPO困難所在，冇往績，全憑一個「信」字，比較已上市經年股份，風險自然 大好多。

　　中國今年上半年原油進口量較去年同期升15.6％，付出金額上升55.7％。目前中國石油對外依存度達44％，已成為僅次美國世界上第二大 能源消費國。去年消費原油三億噸，佔全球總消費量7.8％，其中一億二千萬噸來自進口：47.2％來自中東、30.3％來自非洲，其餘來自歐洲及亞太區； 中國亦係世界第三大石油進口國。

　　波音787設計，令空氣能更流暢地經過機身，可提升效率8％，估計每架波音787每年可節省三萬加侖飛機油，成為新一代客機。波音787放 棄傳統用鋁而改用纖維，因此更耐用及更易維修（例如可避免金屬疲勞問題，而令維修費大減）；加上電腦設計每次降落後已可自動報上須檢查及維修問題，令維 修時間大大縮減。目前已有二十八架交付，並有四百零三架訂單，每架售價一億三千八百萬至一億八千八百萬美元（視唔同型號而定），估計未來二十年新需求二萬 七千架飛機。波音新一代飛機全部走慳油型路線（意味波音公司相信未來高油價將長期化）。

　　亞科資本（8088）、華潤水泥（712）、流動電訊（8266）停牌。

　　■均來集團（396）7月20日；文化傳信（343）、利來控股（221）24日；雅域集團（1229）、四海國際（120）、民豐控股 （279）、漢基控股（412）、佑威國際（627）、新創（1141）、招商迪辰（632）、東南國際集團（726）、榮康控股（745）25日；泓鋒 集團（2309）26日；中國環保電力（290）、白馬戶外媒體（100）27日公布業績。

P09 信報財經新聞 曹仁超
2006-07-14

投資者日記
中國債券洩露加息先兆



　　　7月13日，周四。恒生指數跌216.73，收16305.48；成交二百六十八億九千八百多萬元。7月期指跌258點，收16322點，仍然高 水。恒指創一個月內最大跌幅。今天聯想（992）跌3.8％；利豐（494）跌3.4％；中國聯通（762）跌3.5％；綠城中國（3900）首日上市較 招股價升6.5％，見八元七角五仙；恒寶利（3989）升11%，見一元八角八仙，較發行價一元七角為高；中信資源（1205）升5.4％，主因係購買印 尼油田51％股權。東風汽車（489）跌4.8％，見三元四角七點五仙。大市仲係個別發展。

第三季仍係反覆歲月

　　中國十年期債券孳息率三厘一八，可能係中國加息先兆，外傳貸款利率再升零點二七厘，一年期貸款利率五厘八五，五年期六厘三九。

　　上證指數跌4.84％，深圳股市指數跌5.41％，係6月7日以最大跌幅。中國銀行跌2.7％，武鋼跌2.6％，招商銀行跌4.2％，中信證券更跌10％跌停板；中石化跌3.6％、上海石化跌4.5％、儀征化纖跌6.9％。

　　以色列轟炸貝魯特國際機場，黎巴嫩武裝伊斯蘭組織發射火箭攻擊以色列北部，令金價同油價上揚，油價見七十五點八九美元。

　　過去十六年亞太區股市7至9月平均跌4.7％，只有公用股及銀行股例外（因過去十六年利率一再回落，為公用股及銀行股提供有利投資環 境）。今年第三季又點樣？隨利率止跌回升，過去對公用股及銀行股有利投資環境已改變，形成第三季連公用股及銀行股上升機會亦進一步減低。五窮六絕， 6月份通常係重要支持點出現日子，但銀根抽緊、油價漸升下，欲以6月13日底部作基礎第三季進一步推上，乃逆水行舟；睇第三季仍係「反覆歲月」及 個別發展為主。7月份起係業績公布期，由公布2005╱06年度業績到公布2006年上半年業績；加上唔少基金決策層放暑假，股市自然大升升不了、大跌亦 跌不了。

道指天花板阻力在萬一點

　　5月份美國貿赤六百三十八億美元，如扣除石油，貿赤正在收窄中，其中最受影響係拉斯維加斯，人流迅速下降；其次係美國士尼亦在裁員，加上美 林證券將沃爾瑪百貨降級，美國人消費活動開始不繼。二年期債券孳息率較十年期債券率高，如下月美國再加息，美國經濟開始感受壓力。美國會否一如九十年代日 本，步入因樓價下跌而引發經濟收縮期？2000年起係失落一代（一如1967至82年係頹廢一代），如油價見八十美元，就認真大件事。高油價、高利率 壓力下，七十年代中產階級好可憐，香港1997年起中產階級何嘗唔可憐？如周五日本加息四分一厘，便更加大件事。

　　油價雖然上升，但石油股卻唔升，何解？林治強調PE/G（O加增長率）。今天低O股通常增長率好低，高增長者卻O太高，搞到畢非德亦唔選股投 資，而將85%家財捐出做善事。流動資金自今年5月起漸漸減少，形成投資如逆水行舟。令人擔心若美國佬手上唔夠現金去消費，咁就no eye see矣！

　　標普五百指數由2000年4月回落至2002年10月，共跌十八個月，跌幅50.5％；然後上升四十二個月，升幅72.6％。但2006年5 月O唔及2000年3月高，即O在回落中，此乃綿綿不絕熊市特有現象。股市自2000年起根據四至五年周期循環反覆升降，如無意外，今年5月開始進入 另一回落周期，直到O進入偏低期為止，綿綿不絕熊市才結束。上一次綿綿不絕熊市由1967年開始，到1982年8月才結束；上次天花板阻力道指1000 點附近，大市一旦到呢個水平便上升乏力；呢次天花板阻力道指11000點附近。上一次熊市長達十六年，呢一次便木宰羊。

　　1990年日經平均指數亦進入綿綿不絕熊市，至2003年5月跌幅達80.5％，綿綿不絕熊市係咪已結束？唔清楚，因為至今未打破2000年 年初高點20833點便回落。2003年5月開始至06年4月上升【圖】，可能只係流動資金過剩推動（零利率政策效應），一如1998至2000年年初 零利率政策下，日經平均指數由12787點升至20833點，升幅達63％。呢次由2003年4月7603點升至今年4月17563點，升幅131％，唔 少專家認為日股牛市已重臨，我老曹係少數表示懷疑者。周四、周五會後，日本銀行會否宣布結束2001年3月至今零利率政策，由依家零點一厘提升至零點二 五厘，年底再加息四分一厘？有2000年年初日經平均指數由20833點回落教訓，日本銀行對今年4月17563點開始回落亦唔敢掉以輕心。

日圓升值可令通脹受控

　　2001年3月至今年3月9日，日本銀行共注入三十五萬億日圓（三千零四十億美元）資金入日本銀行體系內，至3月9日才開始抽資。上述行為支 持住日本GDP連續五十三個月上升（上一次係1965至70年，共五十七個月）。但日本第一季GDP升幅3.1％已較去年第四季升幅4.5％有所減少，相 信第二季GDP升幅更細。

　　2001年3月起零利率政策下，至今日圓兌歐羅跌25％，見146.7兌1歐羅；兌南韓圜亦跌22.6％；甚至兌美元亦跌6％，見 115.6兌1美元，如取消零利率，估計年底日圓可見108.3兌1美元，明年見103兌1美元；兌歐羅年底見135日圓……。換言之，過去五年借日圓 其他貨幣者，無不賺息兼賺價；不過今年5月開始unwind行動，開始抽緊其他國家流動資金。日圓升值將令日本出口再度不振，但卻可令通脹率（依家 0.6％）受控制。以去年為例，流入日本資金只有四萬七千億日圓，流出日本資金卻高達二十四萬三千億日圓；今年因為炒人民幣升值，唔少資金同時流入日本， 令淨流出大減。去年日本收支盈餘達十八萬四千億日圓，如非利率差，理論上應該有淨流入才對。零利率政策下，唔少日本投資者都投資海外貨幣（例如澳元、紐 元、歐羅，都係日本投資者甚喜歡持有外幣）。

　　1985年9月G7《廣場協議》要求日圓大幅升值，去協助美國改善貿赤。日本銀行希望日圓升值唔好太快，而將利率由五厘降至二厘五，同時大量 沽出日圓吸納流入外，形成日本出現流動資金過剩問題，日經平均指數由13000點升至1989年12月38915點，並推動樓價狂升。1989年6月 三重野康出任日本銀行行長，將利率由二厘半推高至1990年年初六厘，日經平均指數由1990年高點跌至1992年15000點，引發日本樓價回落。九 十年代日本政府曾三次增加財赤去支持經濟，1999年至今實施兩次零利率……。日股係咪2003年3月見底？雖然去年東京樓價回升10％，今年上半年通 脹率上升0.6％，一旦取消零利率政策，後果如何？

　　1985年9月至89年6月日本所犯錯誤，1990年7月至97年7月香港再犯一次；2001年1月至今又中國重演。日本過去已付出十三 年衰退代價，香港付出六年通縮，中國經濟至今仍然冇事，中國真係咁叻？利用偏低率去刺激經濟，眼前好景實在吸引，此所以任何反對聯者事前都冇人支持。 不過，全球實施聯（或掛）國家或地區，至今只有中國能避免出現經濟衰退。

　　人民銀行顧問余永定話，國內製造業獲利率令人擔心，尤其係紡織業，呢個係政府推行人民幣逐漸升值主要原因；依家紡織業平均獲利率只有3.5％。

劉備冇用孔明躬親

　　利率、率及銀根係調節經濟增長率最有效三大工具，可惜連美國第二次世界大戰後亦將美元同金價掛，引發1971年後惡性通脹，以及 1973－74年出現戰後最嚴重一次衰退。1977至79年人為地壓低利率，最後亦付出1981－82年衰退作為代價。變幻才是永恒，每天起起跌跌，總較 日後大升大跌好！如我地唔接受短期「小變」，日後所付代價往往係「大變」。經濟制度上亦冇免費午餐呢回事，港人1997至2003年吃過苦才明白過 來。良好政府應係市場尊重者（大市場）；政府開支佔GDP比例愈少愈好。香港政府開支只佔香港GDP 20％或以下，仍係小政府亦係好政府。香港繁榮並非建基於你的公僕「大有為」，反而係因為政府明白「無為而治」好處。治大國如烹小鮮，多一分火煎 ，少一分煎唔香，點樣掌握火候恰到好處？箇中學問又豈是三言兩言可以講得明！白眉董失敗，就係敗於「每事問」，結果教育、醫療、交通、房屋冇一件事做 得令人滿意！劉備自稱冇用，但手下猛將如雲（人人為劉備賣命）；孔明聰明一世，但因疑心太重事事躬親，最後結果係蜀中無大將，廖化作先鋒。鄧小平教我地唔 好抓芝麻，要抓便抓西瓜！因此大市短期方向我老曹唔知，大方向卻可以話畀你知，例如Sell in May！

　　技術上睇，今年3月至今道指形成鑽石形走勢，即一個變形頭肩頂；油價同金價表現繼續令人憂慮；擔心七十年代情況再出現，即只有油價同金價上升，股市卻回落。8月期油再次見七十五點四美元一桶，較一年前高出25％。

　　美國按揭銀行家協會公布，美國6月份申請再按揭物業貸款減少34％，令人擔心。

美傢俬業需求不振

　　南韓房地產價格過去四年共升40％，今年3月總統宣布加息打擊投機，並7月3日撤換財長。依家南韓物業貸款達二百零一萬億韓圜（二千一百二 十億美元），一千二百呎住宅首爾中心地區售價高達十一億韓圜（約一百一十萬美元）；第二季已由今年高價回落15％，因3月30日起政府宣布第四次加息， 至四厘二五，係2003年5月以最高，物業貸款更加至六厘七。4月開始銀行唔向市值六億韓圜（六十萬美元）以上、被政府列為投機地區物業提供貸款。貸 款者只可借入總利息支出只佔一年總收入40％；舊區重建所產生利潤，政府將抽50％資本升值稅。一連串措施令南韓物業價格自今年第二季開始回落，南韓物業 市場後市亦令人擔心。

　　6月份美國市場對傢俬需求進一步下降，係4月份以來連續第三個月需求不振，7月份最初十三天情況未見改善。隨美國二手樓交投減少，令傢俬業需求亦下降。不過，香港傢俬股股價早已大幅下跌，上述消息對出口傢俬到美國上市企業股價影響相信有限。

　　鋁係地球上繼鐵以外最豐富金屬，只係大部分同鐵及氧結合，成為鋁礬土。點樣將鐵同鋁分開？通常透過電解。換言之，生產鋁主要成本係電力，大 約二噸鋁礬土可產生一噸氧化鋁，兩噸氧化鋁可再提煉成一噸純鋁，只係期間消耗大量電力。美國，電力係透過水力或天然氣產生，因此比較環保；中國，主要 係以煤發電，意味中國生產鋁，會同時製造大氣污染問題及耗用大量能源。去年開始國家已唔再鼓勵投資鋁生產廠，內地電解鋁廠必須面對環保問題。展望未來十 五年，全球鋁需求年增長率3.8％，即未來每年全球須興建三至四間新鋁廠才能滿足需求；中國電費上升及取消出口退稅，而且反而增加5％出口稅，加上環保要 求上升，未來中國鋁業前景並唔樂觀。依家由外地直接入口製成品，可能較自己生產更為划算。

　　中國商務部長薄熙來話，中國貿易順差猛增其實係「虛有其表」，去年58％出口額由外資企業所創造，四億美元順差有50.7％自外資企業，大 部分成為外資企業利潤，相信唔少已流入房地產市場。過去鼓勵出口政策，真正受惠者係外資企業，而唔係中國打工仔。去年起內地降低出口退稅去限制高耗能、 高污染及資源性產品出口，逐步紓解內外經濟失衡問題。

　　世界盃期間，全球博彩公司收入一百億歐羅，超過60％自中國大陸及東南亞；超過2004年中國全國旅遊業總收入六千億元人民幣！廣州、深圳、東莞、肇慶等都破獲網絡賭波集團，涉及賭款二千萬元人民幣，相信只係冰山一角。中國人踢波唔叻，但賭波卻全球冠軍！

　　湖南有色（2626）、創富生物科技（340）、安徽海螺水泥（914）、華豐紡織（364）停牌。

　　■迪臣發展國際（262）、首富國際（204）、廣興國際控股（1131）、松日控股（283）、森泰集團（451）7月21日；建業實業 （216）、漢國置業（160）、通達工業（526）、創維數碼（751）、信佳國際（912）24日；先思行（595）、朗迪國際（1142）、華脈無 線通信（499）、永成國際（850）25日；永保時國際（474）26日；騰訊控股（700）8月23日公布業績。

P21 信報財經新聞 曹仁超
2006-07-13

投資者日記
典型滯脹局面



　　　7月12日，周三。恒生指數升32.08，收16522.21；成交二百零三億五千一百多萬元。期指高水，升104點，收16580點。金價上升， 令紫金（2899）升1.8％，見四元二角五仙；靈寶（3330）升3.2％，見八元一角。電盈（008）再跌2％，見五元；網通（906）升1.8％， 見十四元零五仙。

金價在635美元整固

　　黃金後市如何？相信七百三十五美元係上阻力、五百四十五美元係下支持；五十天移動平均線係六百三十五點五美元，最大可能性在此水平整固。一方 面CPI增長率上升，另一方面利率已升至五厘以上，形成金價好淡爭持。人們漸漸明白，市場上乜事都可以發生。從工作上學習，往往較從書本上學習得實 際。未來經濟展望，最大可能性係進入滯脹，情況同七十年代相似，所唔同者係七十年代香港仍係低成本地區步向高成本地區；反之，二十一世紀香港，成本同歐 美比較已冇優勢可言。同係滯脹期，七十年代可行方法，二十一世紀未必有用。依家美國亦同七十年代唔同，2001年起73％政府發行債券買家自海外， 因此不能令美元價過分弱勢而動搖外資信心。七十年代滯脹期香港可買樓保值，二十一世紀卻不能；七十年代可買金保值，二十一世紀仍可以；七十年代股市係上 落市，估計二十一世紀亦一樣。

　　美國GDP今年首季上升5.6％，令2005╱06年度財赤減少30％，至二千九百六十億美元（佔GDP 2.3％），較五個月前估計四千二百三十億美元減少，對美元價起支持作用。分析者估計，今年第三季GDP將上升2.9％，第四季2.8％，即經濟漸放 緩，但CPI至今未受控制。5月份CPI增長率係5.2％，並且仍在上升，典型滯脹局面也。

　　美國5月份貿赤進一步擴大至六百三十八億美元（4月份六百三十三億美元），主要係能源入口成本如油價上升。中美貿易方面，中國貿盈擴大亦係理由，中國上半年外貿盈餘六百一十五億美元，形成大量美元流入中國。呢方面消息卻不利美元價，形成美元前景十分混亂。

　　利亞政府宣布12月起唔再將貨幣同美元掛，改為同各種貨幣。去年年底利亞外儲備四十一億美元，至今已將其中一半轉為歐羅，因歐盟吸納 利亞一半出口產品。2004年5月美國指利亞支持恐怖活動而杯葛利亞，包括唔同利亞商業銀行來往。今年利亞宣布結束同美元掛，外傳科威特、卡 達、阿聯酋等亦有意將外儲備多元化，其他仲有俄羅斯、瑞典及芬蘭，歐羅所佔比重由1999年18.1%上升到今年首季24.8%。睇今年美元價壓力 都幾大。

　　去年美國消費者透過物業再按揭而提款七千五百億美元用於消費，今年又會點？面對接近五十萬億美元負債美國，真係唔可以出現衰退，一旦出現衰退，情況將較1990年日本或1997年香港更大鑊；加上1982年至今美國經濟從未出現衰退，美國真係可以永遠冇衰退咩？

　　索羅斯係最先指出日本銀行自今年3月初開始抽資將影響5月份世界股市、商品價格同債市者，上述分析刊於5月份《商業周刊》雜誌。

資金泛濫期慢速收緊

　　本周日本銀行將決定係咪結束零利率政策。日本今年首季GDP升3.1％，自2002年2月開始日本GDP保持增長，呢次有可能創下第二次世界 大戰以後最長一次增長期。日本上市公司2005╱06年度利潤較對上年度升13.9％，係連續第四年增長。《日本經濟新聞》估計，上市公司 2006╱07年度利潤總額至少增長1.5％；設備投資增長15.2％，係1990年以最大增幅。2005╱06年度日本家庭平均收入較對上年度升 2.4％，係1992年以最大增幅；大型零售店銷售額升4％，係2000年以最大增幅；5月份失業率4％，係1998年4月以最低。

　　戰後日本經濟增長最長一次係五十七個月，如呢次GDP增長率保持至今年11月，將打破之前紀錄。

　　今年5月起全球GDP增長率放緩及CPI增長率上升，面對2001年起資金泛濫漸收緊，由於擔心出現1990年日式衰退，所以收緊速度好慢。但有一點可以肯定，資金泛濫期開始退潮，只係速度極之緩慢，但已經開始。

　　1950至70年全球石油設備投資下降，前後約二十年；引發1973年石油危機，油價高潮1980年，共七年；1982至2001年全球投 資石油設備又再下降，約二十年；油價由2001年起上升，至今共五年。參考前一次例子，估計未來兩年油價仍反覆上升。換言之，油價升穿八十美元機會好大。

　　周二伊朗石油部長宣布出售大量存油，由第二季每天少於二百三十萬桶，提升至第三季每日多於二百四十萬桶，新增出售存油共二千萬桶。能否令油價回落至七 十美元或以下？木宰羊。國際石油專家認為，油價只要唔高出八十美元一桶，便唔會引發第四次石油危機。今年全球耗油量上升1.5％，達八千四百九十萬桶。

　　今年中國電力供需由緊張逐步走向緩和，拉限電負荷及電量都將有所減少。新增裝機容量達五千萬至六千二百萬千瓦，今年底發電機總容量達五億三 千萬千瓦左右；估計今年電力需求升7％，全年用電量達二萬四千二百七十五億千瓦時，電力供需基本平衡，但局部地區、局部時間仍然緊張，全面供求平衡相信明 年可實現。

　　廣東省宣布，今年9月1日起調整企業職工最低工資，全省平均升幅17.8％，最高升幅32.6％。廣州每月最低工資七百八十元；珠海、佛山、 東莞、中山六百九十元；汕頭、惠州、江門六百元；韶關、河源、梅州、汕尾、陽江、湛江、茂名、肇慶、清遠、潮州、揭陽、雲浮五百元；其他縣區四百五十元。 深圳市則按特區最低工資條例執行。

印度93%家庭處極度貧窮水平

　　中國外貿增長經過五年保持年率30％後，今年起改變「鼓勵出口」政策。例如高能耗、高染污、資源性產品出口退稅叫停，農產品出口退稅將提高。 1985年起中國開始實施出口退稅政策去提升產品出口競爭力，刺激出口。去年開始一步步減少出口退稅，今年首四個月煤炭、電解鋁、皮革出口量已下降10％ 以上。

　　印度孟買市繁忙時間火車爆炸事件中，最少一百四十七人死亡，暫時冇組織出承認事件責任。分析員指係巴基斯坦回教組織所為，自1947年至今印度獨立後，印巴衝突分成兩個國家後，一直處於敵視態度。

　　印度股市自今年5月一度回落29％才反彈【圖】，經此爆炸，前景令人更擔心。印度十一億人口中，超過一半收入少於一百盧比（二美元）一天；超 過一半人口係小學未畢業，唔係務農為生就係做低收入勞工如拆船、築路等。四億個勞工中，93％係非技術工人，月入少於三千盧比（六十美元），並以合約方式 招聘，完全冇福利。所謂最低工資法，從來冇嚴格執行，只有外資公司才提供月入一萬二千盧比（二百四十美元）職位，主要係服務業。所謂軟件編寫工作，印 度只提供一百二十九萬份工作，佔整個工作人口極少數。雖然過去九年印度人均收入上升一倍，真實情況係富人及中產階級收入大增，大部分人受益卻唔大。 2004年3月政府統計數字，年收入十萬盧比（二千美元）家庭只佔一百二十萬，佔全國一億九千一百萬個家庭極少數。貧窮省份因缺乏工作機會，唔少人湧 入富裕省份做非法勞工。根據聯合國數字，去年印度人均收入只有四百七十美元一年（三千六百六十港元）。所謂GDP增長8％，只係賺多三十七美元一年（二百 九十港元一年）。如以香港標準計，印度93％家庭被列入極度貧窮水平，大有資格綜援，而非西方國家形容咁美好。印度人信奉印度教以多子多孫為榮；因此有 六個小孩家庭好普遍，許多時只係靠父親一人收入維持（婦女工作機會唔多）。試諗，以三千盧比（約四百七十港元）去養活一家八口，生活如何？

　　咁生活，我老曹亦曾經歷過。五十年代初期成家人由上海移到香港後，父親月入二百八十元，要養活我地一家五口，當時係過新年穿新衣（即每年買 一件新衣）、年夜飯有雞吃（一年才一隻雞），常常希望自己生病（因為病才有鮮橙吃，平時則冇水果食）。父親仲要將部分收入用接濟內地親戚，因為佢地 上海生活較我地香港更窮。今天印度人生活同五十年代港人差唔多，將來係咪一如香港繁榮起來？決定因素好多。

三腳貓功夫唔好挑戰李小龍

　　衍生工具吸引力係如果睇可獲利200％、500％甚至1000％，如果你睇錯，極限係損失本金100％。因此，不應用全部資金買賣衍生工 具，應用投資資金其中5％至10％投入衍生工具市場，博取高回報率；咁樣亦可提升你對股票敏感度。衍生工具市場絕對係高風險、高回報率地方，如巧妙 運用（例如5月份購入認沽衍生工具，可以6月贏大錢；6月13日買入認購衍生工具，亦可贏大錢），可加快財富增加速度。但衍生市場65％係輸家、 25％打和，贏家只佔10％，因此先練好武功才加入，唔好只學曉三腳貓功夫便去挑戰李小龍，咁就打死多過病死。衍生工具市場絕對係高手過招。

　　新波音「747-8洲際」將係解決燃油價高企良方，耗油量較依家波音747少17％，而且更靜更舒適更環保。波音777及波音787亦係針 對慳油而設計；今天每個乘客每公里飛行用燃料較五十年代少70％，亦係機票近五十年售價未見上升理由。如果係長途飛機，最慳油飛機係波音747-8洲 際；短線飛機最慳油係波音787。近年波音走慳油設計路線，撼贏空中巴士以維修成本便宜作為強項。

　　■泰盛（8103）、俊和（711）、大凌集團（211）7月21日；英發國際（439）24日；匯盛（8108）26日公布業績。

信報財經新聞 曹仁超 2006-07-12 投資者日記 扯線公仔唔易做 　　7月11日，周二。恒生指數跌113.68，收16490.13；成交二百四十一億九千二百多萬元。期指低水，收16475點，跌125點。TCL多媒體（1070）跌8.9％，收七角二仙，今年內股價已下跌35.7％，同期恒指升10.9％。公司今天同港交所講，上半年經營環境繼續充滿挑戰（咁樣算唔算盈利警告？）。 　　今天電盈（008）跌8.1％，收五元一角，野村認為電盈長達三周出售資產事件終於落幕，由梁伯韜全資擁有公司Fiorlatte向新加坡盈科拓展購入22.7％，其中一個條件係盈拓私有化提案遭否決；以電盈每股六元計，盈拓每股應值四十坡仙，較新橋投資所提私有化價格三十點五坡仙為高，今天盈拓新加坡成三十七坡仙，估計私有化計劃將被否決，盈拓保持新加坡上市地位。由於呢次股權易手未達證監會所訂最低35％標準，出現全面收購機會唔大，小股東最大得益只係李察李私人撥出十三億八千萬元（每股派三角三仙至三角八仙），野村認為電盈合理價為五元一角八仙，今天已跌至呢個水平。 2004年花旗集團曾幫助網通（906）來港上市，今天中國網通表示歡迎梁伯韜加入電盈董事局。大和證券資產管理Mona Chung話，當網通入股電盈時，曾期望網通帶來大陸媒體節目製作領域上合作，但至今為止尚未見到很多成果。香港西京投資管理董事總經理劉央話，佢唔確定梁伯韜點樣領導電盈，因為佢並冇電訊業管理經驗。 未交易先蝕15億 　　唔怕生壞命，最怕改壞名。蕃薯梁未交易，賬面損失已達十五億元（以電盈每股冇八角五仙計）。點解有人肯做蕃薯？總之盡在不言中啦。由1997年百富勤破產至今不足十年，已能咁短時間內集資九十幾億元，又唔蕃薯得晒；不過，呢D工唔易打，做扯線公仔唔易。 　　新世界數碼（276）2005╱06年度虧損一百三十八萬三千元（對上年度獲利九百一十萬元），反映電訊市場仍然經營困難。 　　國泰（293）連續第三個月載客量上升，6月份達82.8％，載客八百十四萬，升11％。內地航空公司上半年載客量升18％，達七千四百三十萬人次；貨運量升20％，至四十二萬九千二百三十四噸。內地航空業需求好大，但能否將之變成航空公司純利？又係另一回事。 　　後市展望，恒指17200點上阻力唔易升穿，因此冇急於入市壓力；同時，15200點亦唔易跌穿，同樣冇急於拋售壓力，形成大市個別發展。「小心」係今年下半年投資策略座右銘，尤其各國央行銀根逐步抽緊，形成前景漸漸唔明朗。最後大市升穿17200點抑或跌穿15200點？木宰羊。低通脹期，存款利率一旦高於五厘，投資市場便有壓力，上述情況今年5月10日已出現。1984年7月聯儲局結束加息周期，標普五百指數往後三個月上升 9.75％；但2000年5月聯儲局結束加息周期後，標普五百指數往後三個月只升1.53％，理由係1984年7月係美股牛市誕生後；2000年5月係美股熊市誕生後。照依家CPI睇，未來聯儲局最少仍要加息四分一厘；即使加息周期真係結束，未來三個月股市升幅亦唔大，因為仍然處於熊市期。 　　我老曹討厭向投資者一再發出警告，D唔肯5月減持者，責任自負；納指死亡交叉（五十天線跌穿二百天線）6月已出現，代表半導體股及互聯網股繼續成為市場弱勢社群。上述走勢亦快細價股指數及新興市場股（MSCI）出現，都係令人不安訊號。 聯儲局可以更激 　　依家美國收支赤字佔GDP 6.5％，美國已無力再擔當全球經濟火車頭地位。1982年起至今過去二十四年，美國一直做全球經濟火車頭，恐怕呢種日子快將結束。根據1974及80年教訓，為保護美元國際地位，聯儲局可以採取較激烈決定，各位宜小心（雖然依家仍未有咁需要）。 聯儲局對抗通脹上唔及對抗通縮積極，結果往往變得漫長及腌悶，例如產生滯脹。油價仍七十美元以上，金價六百美元以上，對抗通脹仗仲未打贏，美元價弱勢仍未扭轉；一句講晒，加息周期未完結。 　　自1870年至今，美股有四次O超過二十二點五倍，就係1900、29、66及2000年，其後皆出現漫長熊市。1929年熊市雖然1932年見底，但牛市要到戰後才開始；1966年熊市1974年見底，但另一牛市要到1982年才開始；2000年起熊市係咪2002年10月見底，而另一牛市有排才開始？Alcoa第二季純利升62％，營業額升19％，公布業績後股價下跌超過3％。 美林證券策略員Richard Bernstein認為，商品價格上升主要由中國、印度需求帶動，擔心今年第二季已係高潮（因此宜好消息出貨）。 　　納指亦因美林downgrade而回落。美林認為，科技股反彈期今年第二季已完成，投資者應減持。六十年代開始M貨幣供應高速上升，引發七十年代高通脹期；但1996年至今美國M亦高速上升（平均年增長率8.1％），但CPI卻冇大幅上升（平均年增長率2.5％）【圖】。格蛇認為，呢個係生產力奇，互聯網普及下，全球更多工作人口投入生產，令產品供應充足，政府可以不斷印蚊年而唔會刺激通脹上升。 九十年代開始TMT股泡沫、2000年起美國房地產上升期，將大量資金吸納到股票市場及物業市場內；加上工序外判，令唔少資金流入中國及其他國家，亦係CPI升幅唔大理由。過去十年美國達到 GDP高增長、CPI低增長黃金歲月，上述情況可維持幾耐？冇人可預知。美國樓市在冷卻中，但唔係大跌；債券大王格羅斯亦宣布債券熊市結束，即長債孳息率唔會再上升；金價六百三十五美元附近又再受制，VIX又再回落……。唯一令人擔心只係油價。第二季開始各國央行抽資行動，冷卻資產升值潮，暫時阻止天然原材料漲價，延長黃金歲月。 　　2001年起，美國政府新發債券73％由外國政府或外國人吸納（1983年外資只佔14％），2001年至今美元價持續回落；依家問題係外資肯接受美回落承受力有幾大？一旦超過呢個水平，如果唔係美元價大跌，就係美元利率大升去留住外國人資金（或兩者同時出現，令到呢段黃金歲月結束）。 　　石油飢渴下，中國早已出現非洲之行。例如蘇丹，1996年中國早已購入兩個油田40％權益，1998年起協助興建九百三十哩長油管一直到紅海，去年開始蘇丹出口石油50％由中國購買。仲有尼日利亞，45％離岸石油由中海油（883）以二十三億美元購入，中海油依家又洽商安哥拉及阿爾及利亞石油。其他如南非鐵礦石，已係中國第四大供應商；中國入口鈷85％自剛果。由木材到鑽石、棉花等，超過八百間中國公司在非洲有投資，並派出超過七萬八千個員工往非洲，從贊比亞銅礦到尼日利亞煉油廠，西方公司曾認為係蝕本生意而唔投資，皆一一被中國公司收購。自中國公司投資1991年只有一百五十萬美元，2003年已達一億七百四十萬美元。中國政府更派出一千一百名醫生到非洲，中國為非洲國家提供一千一百名大學學位作為交換，並將十六個非洲國家列為官方指定旅遊點。除上述外，中國大量取消非洲產品入口關稅，以及豁免十三億美元負債。 中國贏盡非洲友誼 　　中國支持下，非洲國家經濟漸漸興起。中國贏盡非洲國家友誼，呢個一度被西方國家視為冇前途「大陸」，隨呢次世界性原材料漲價而逐漸興起。六十年代毛澤東開始同非洲國家建立友誼，已漸漸見到回報。繼印度之後，非洲將成為二十一世紀另一個新興經濟地區！ 　　上周世界最大兩家鋼鐵企業米塔爾及阿賽洛宣布合併建議達成協定，新公司年產量一億二千萬噸，佔全球產量10％；反觀中國年產量五百萬噸以上公司共十八家，佔全國總產量46.36％，同國際鋼企規模相比，簡直係蚊髀同牛髀。雖然中國鋼產比美國同日本加起來仲大，但產業集中度低，唔好話中國冇年產一億二千萬噸企業，連年產一千二百萬噸企業亦未形成，日後點同跨國大企業競爭？不但鋼鐵業如此，中國其他行業內皆充斥大量中小企業而缺乏大企業，一旦失去廉價生產成本優勢，都唔知點算。 　　國家發改委估計，今年上半年中國GDP上升10.4％，全年估計升10.2％；CPI升1.5％、PPI升3％左右。貨幣流動性過剩及產能過剩，已成為影響經濟運行兩大不穩因素，建議人行擇機溫和加息，以及通過分流減少流動資金過剩問題。 　　建設部、發改委、工商總局聯合發通知，加強商品房預售許可管理。地產開發公司取得預售許可證後，應十天內開始銷售商品房；未獲預售許可證者不得非法預售、預收訂金或預先認購，違者從嚴處理。 　　另有消息話，建設部本周內將公布「九十平方米佔整個項目70％」解釋文件，唔搞一刀切，各地可根據實際情況進行總量控制。 　　如無意外，本周日本將結束零利率政策，有助遏制全球流動資金泛濫情況。1986年起日本執行超寬鬆貨幣政策，為全球市場注入大量低成本資金，利差交易外市場及股票市場盛行，近年更流入商品市場，推高全球資產值。今年3月9日日本央行宣布取消超寬鬆貨幣政策，以及開始從市場抽資，日本開始擰緊水龍頭，相信係引發今年5月10日環球跌市部分原因。日本1989至90年曾抽緊銀根而刺破日本樓市與股市泡沫；1997年首相橋本龍太郎調高消費稅，令一度復甦經濟再陷衰退。1999年2月日本銀行宣布實施零利率，到2000年8月結束，結果又令經濟出現衰退，2001年再次實施零利率至今。 　　戰後日本實施追趕政策，成功令日本經濟到達近年接近美國水平。八十年代日本已出現泡沫，日圓應大幅升值，只係泡沫膨脹過程中太多人受惠，結果決策層一再阻延日圓升值速度，最終導致局面失控。日本央行1989年初嘗獨立滋味，加息速度太快及幅度太大，刺破泡沫，造成過去十多年經濟停滯不前。行政主導、外需主導、投資主導，都係亞洲許多國家發展經濟初期所採用策略。 即使1990年日本經濟出事後，各國仍唔盡早主動進行調整，結果1997年亞洲金融風暴橫掃整個亞太區。中國今天亦犯相同毛病，2001年人民幣應該有秩序地升值，但政府眼短期利益而把痛苦往後推，結果愈延遲面對調整必愈痛苦，形成一拖再拖。有1990年日本經驗，1997年亞洲大部分國家仍重蹈覆轍；1997年亞洲金融風暴後，亦阻不了中國走上呢條路，奈何！ 痛苦往後推終泥足深陷 　　無論個人、企業甚至政府，大都唔肯放棄眼前利益，而把痛苦往後推，最後泥足深陷。2000年曾買入電盈而唔肯止蝕投資者，到今天有邊個可以救你？如怪李察李，不如怪自己出現虧損15％時冇止蝕！ 　　重慶房價去年10月三千三百五十元一平方米，今年5月平均成交價二千八百零四元一平方米，跌幅達16.3％，較成都、西安、昆明仲要低。市中心平均樓價四千多元平方米，較偏地區則為二千多元一平方米。重慶森豐實業董事長陳方華話，目前樓價淨利不足二百元一平方米，利潤率只有4％，而且仲係高價房。重慶成為直轄市以來，2004年樓價上升18.7％，因每年有五十萬人進城；估計到2010年城市化率可達50％，2020年達65％，但95％物業係本地買家，唔似上海、北京、深圳等有大量外來買家。需求上升，供應更爆炸性上升，結果去年第四季起樓價不升反跌，理由係去年7月起政府把大片大片土地推出市場，單單去年10月便推出十九塊，總面積一萬三千多畝；半年後再推出三十五塊，總面積三萬餘畝。咁證明 樓價升跌主要受土地供應影響，政府好易操控樓價。 　　長達五十三年中央政府禁止外國公司中國境內勘探及開採黃金禁令宣布結束，今後外國公司亦可到中國勘探及開採黃金，估計可發現二萬二千噸黃金蘊藏量，足夠應付未來二十五年國內黃金需求。 　　海域集團（1220）、新確科技（1063）、嘉禾娛樂（1132）、中油潔能（260）、邦盟駿（8158）、深圳中航（161）停牌。 　　■中國信貸（185）、恒豐金業（870）、國中控股（202）、漢登控股（448）、天業節水（8280）7月20日；福茂（462）、聯康生物科技（690）、鎮科集團（859）、新洲印刷（377）21日；升岡國際（485）、昌明投資（1196）、六福集團（590）、邦盟駿（8158）24日；中國水務（855）28日；豐控股（005）31日；馬鞍山鋼鐵（323）8月1日；萬達資訊科技（8213）4日公布業績。

_________________ 金風掃葉

理財投資
P13 信報財經新聞 曹仁超
2006-07-11

投資者日記
電盈賣股屬控權轉移



　　7月10日，周一。恒生指數升144.03，收16603.81；成交二百三十五億二千七百一十萬元。期指升151點，收16598點。利豐（494）升7％，公司斥資一億六千二百萬美元收購Rosetti後，可獲手提包及配件生產線。

　　中移動（941）今天開始實行新規定，影響簡訊、多媒體資訊和網際網絡接入服務收益。騰訊（700）跌6.13％，見十四元五角五仙；公司22％營業額自流動電話下載鈴聲。TOM在線（8282）跌16％，見一元三角八仙；TOM在線來自流動電話服務收益更大。TOM集團（2383）跌6.1％，見一元二角三仙。

銀髮族旅遊業成大生意

　　南方航空（1055）增加機隊，股價跌1.1％，見一元七角四仙；東方航空（670）跌0.9％，收一元零五仙。 全球旅客去年升5.5％，亞太區更升7％，約有三億三千萬國際旅客去年到亞太區旅遊。

　　隨人口老化，旅遊業亦出現改變。1946至66年出生者，第一批今年六十歲，呢批銀髮族未來二十年將成為高增長旅客群，佢地不但兒女長大，而且剛剛退休財力豐富，視旅遊為樂趣，甚至可以每個月出外旅遊一次。呢批高消費旅客，將成為未來二十年旅遊業增長動力；反之，低成本招攬年輕旅遊者，市場競爭過激，已成為微利生意。點樣吸引退休嬰兒潮成為自己長期顧客？將係未來二十年旅遊業大生意也！　　電盈（008）今天停牌，最近三個星期電盈股價由四元五角升至五元八角，上周收市五元五角五仙，和2003年4月比較只升22％【圖】，同期恒生指數由8409點升至16603點，升幅97％，代表2003年4月25日開始升市中，電盈乃大落後股。

電盈轉手對業績幫助唔大

　　呢次以蕃薯梁為首財團以每股六元購入新加坡上市盈拓手上電盈22.66％，李察李仍保留自己所佔3％。轉手價只較上周五收市價高出8％，估計無法刺激電盈復牌後股價進一步上升，而且呢次收購目的只係唔願見電盈資產落入外資手中，即未來大股東只係消極投資者（passive investor），對未來業績幫助唔大。呢九十億六千萬元將歸入新加坡上市盈拓手中，李察李係大股東，佔75％，並答應將其中十幾億元分畀電盈小股東（網通冇份），大約每股可分得三毫子多DD。

　　2000年8月電盈以八十六億六千多萬股新股交換電話公司股權，當年每股市值十七元五角（未五合一），依家五元五角即舊價一元一角，損失約93.7％！相信許多小股東睇完呢單刁真係欲哭無淚，後悔當年唔止蝕也。

　　盈拓出售手上22.6％電盈後，將十幾億元派畀小股東後，仍有七十幾億元，加上出售唔少海外物業，咁多蚊年做乜用途？外傳係到海外收購傳媒，此乃後話。

　　呢次雖然冇觸及收購點，但技術上而言亦算控制權轉移，蕃薯梁係咪需要向小股東提出全面收購？便睇證監會點睇。其次，蕃薯梁蚊年來源係點？亦睇證監會點做。我地希望見到公平、公正及公開，唔知依家咪係仍然存在？

　　中央財經大學副院長劉桓上周末透露，明年中國可能開徵物業稅。

　　中國6月份外資盈餘一百四十五億美元，較5月份一百三十億美元進一步擴大。上周美元回落至四星期新低後，今天出現反彈，市場進一步相信8月8日會加息。

　　上周資金首次回流亞太區股市，大約只有二億二千九百萬美元，雖然金額唔大，已係過去七星期內首次資金回流亞太區，令6月13日大市可能見底機會進一步增加；其中又以流入香港佔最多，形成港股抗跌力特強。

　　股市由5月10日回落到6月13日，然後反彈，令未來方向愈愈唔清晰。2000至02年我地經歷過股跌、金升、油價升局面；2003年至今年5月又見到股升、金升、油價升局面；然後又見到股跌、金跌、油價跌；由2000至02年兩者背馳，到2003年起兩者方向一致，下一步將點樣？私人銀行擴展甲廈需求增

　　上月香港IFC每呎租金升至一百三十港元（或十六點七美元一呎），較倫敦十五美元一呎高出10％以上。上一次出現香港寫字樓租金高出倫敦係1994年，當年交易廣場租金曾見一百二十一港元（十五點五美元）一呎，但1995年起回落，一直跌至2003年。香港甲級寫字樓租金大幅上升，主要受惠於內地企業大量來港上市，以及私人銀行業務迅速發展，令荷銀、瑞士聯合、雷曼兄弟、美林、花旗、東方匯理等等都大量招聘人手及擴展空間，令香港最高甲級寫字樓租金由2003年至今上升300％（估計今年再升10％）， 但非甲級寫字樓租金仍未重返1994年水平。寫字樓租金上升，不但自需求增加，其次同特區政府過去七年停止供應中環甲級寫字樓土地有關，令甲級寫字樓空置率依家只有5％（最高級者更只有2％）。當香港寫字樓租金較倫敦更昂貴之時，係咪又係另一次快見頂訊號？

零售商舖租金有下調壓力

　　去年寫字樓平均售價升21％、租金升28％（甲級升35％）；落成量三十四萬一千平方米，係1970年以最低一年；使用量多四十二萬零二百平方米，令空置量下降至八十五萬三千八百平方米，空置率8.7％。今年供應量十五萬一千六百平方米，明年十八萬六千四百平方米，估計未來香港寫字樓空置率進一步下降。何況今年只有19％新落成寫字樓自核心地區，明年更只有3％，代表今年及明年核心地區寫字樓租金及售價極可能進一步上升，而今年上半年已升唔少。

　　去年香港私人住宅落成量一萬七千三百二十個單位，較2004年減33％；其中53％新界、25％港島、22％九龍；入住量一萬七千四百五十個，較2004年減44％；空置量六萬三千五百四十個，約佔6％。今年落成單位估計一萬七千二百個，其中54％新界、35％九龍、11％港島；明年落成單位一萬六千四百個，其中73％新界、九龍佔17％、港島佔10％。 去年全年香港樓價升7％，租金升12％。樓價去年第二季見頂後，第三及第四季已出現溫和回落，由於今年及明年落成量唔多，估計樓價後市變化有限。

　　零售業樓宇基於迪士尼樂園去年9月啟用，上半年需求量大升，令使用量增加十三萬九千平方米，較2004年升110％；落成量十一萬一千平方米，令空置率下降至10.3％，但下半年開始下調，全年售價較2004年升8％，租金升幅8％。今年落成量十二萬七千平方米，明年十一萬九千平方米，後市展望視未來吸納量而定，如唔及去年，零售樓宇租金及售價將有下調壓力。

　　香港樓市展望，零售樓宇租金估計走下坡，住宅樓價變化有限，寫字樓仍可睇好。

　　過去兩年南韓圜兌美元升值20％，唔少南韓人認為美元利率一再上升，遲早可推高美元價，南韓政府為減少南韓圜升值壓力，亦批准個別投資者可投資海外房地產，最多唔超過一百萬美元。結果去年南韓人投資美國房地產資金達十二億七千萬美元，今年首三個月已達五億七千萬美元。

　　估率方向係高風險行為， 包括聯儲局停止加息或美國經濟增長率放緩，到時可能同時令美國樓價回落，對南韓投資者而言帶雙重損失。相對於美國樓市，南韓資金流入肯定太細，起唔到作用。

　　恒安國際（1044）近年股價表現十分理想 。至今為止，內地紙尿褲滲透率只有7.9％，二線及三線城市仍未普及，未來發展空間仍大。估計今年獲利五億六千三百萬元或每股五角二仙，升25％，O二十四點八倍；O略高，但前景良好。

　　煤價略為回落，加上電費略為上升，有利內地發電股如大唐國際（991），相信股價回落期已結束。今年獲利估計可達二十六億二千四百萬元或每股四角八點七仙，升11.6％，O十點八倍。後市展望可利用每次回落收集。

　　維他奶（345）今年受惠於澳紐市場需求上升及美國市場虧損收窄，至於香港仲係好呆滯，中國市場在拓展中。估計今年純利仍可上升，不過2002年至今股價已上升三倍，進入見好即收時刻，擔心香港零售市場進入回落期。

銅功能漸被取代

　　鐵礦石漲價19％後，內地高端鋼產品上調出廠價6％、低端鋼材卻下調5％。以北京首鋼集團為例，普碳中板、低合金板等加價一百元一噸，建材用鋼產品價格一路下跌；8MM和20MM中厚板平均價下跌六十元一噸和八十元一噸；冷熱板市場價格跌勢亦未止，其中熱軋板卷價格下跌幅度較大；首鋼集團目前高端鋼產品已佔總產量50％。除首鋼外，寶鋼集團今年上半年亦一直將高端鋼材價調高，最近一次再調高6％。

　　雖然鐵礦石價格上升19％，令每噸鋼生產成本上升六十四元人民幣，但海運費下降，令平均每噸運費下調六十五元人民幣，因此到岸價幾乎冇變化。其他原材料成本卻下降，加上下游產品過剩，造成呢次上游產品漲價、下游產品跌價情況。

　　2000年TMT股泡沫爆破後，2001年1月起格蛇將利率由六厘半推低至2003年6月一厘，令金屬、石油至農產品都漲價。今年5月起銅價一度回落23％、鋁價回落23％、鉛回落26％、鎳回落24％……，係咪反映金屬上升周期短期見頂？尤其係銅方面。依家電訊用銅線漸被光纖取代，銅線主力用於發電機及輸電網方面；隨 Alcoa新技術出現，令鋁線取代部分銅線輸電方面功能，估計2010年前將搶走銅20％市場。不過，新銅礦2008年才投產，今年及明年全球銅供應量仍短缺，因此未能肯定銅價今年5月係咪已見頂。

　　歷史上曾經出現三次石油危機：第一次1973－74年，油價由三美元升至十五美元，上升五倍；第二次1979至81年，由十五美元升至四十五美元，升兩倍；第三次1990年，由十四美元升至四十美元，上升一點八五倍，但由於只有三個月，所以影響好細。呢一次油價由十美元升至七十五美元， 上升六點五倍，以升幅計已超過之前任何一次，但經濟仍然繁榮，證明高油價唔係令經濟崩潰理由，而係油價上升所產生通脹壓力令各國央行抽緊銀根，引發經濟衰退。1974年通脹率上升到兩位數字，令利率上升至十四厘；1981年通脹率亦接近兩位數，利率更上升至二十二厘。至今為止，由於通脹率仍算溫和，利率只升至五厘二五，經濟仍處繁榮期。換言之，決定經濟盛衰係銀根鬆緊，唔係油價。

利潤集中在上游能源產業

　　國家統計局局長邱曉華中國留美經濟學會2006年會上話，首五個月中國企業利潤增幅25.5％，80％自石油、電力、煤炭、有色金屬等行業，其他行業例如工業，產品出廠價只升2.6％，工業原材料購進價卻升5.9％，成本上升正侵蝕其利潤，主因係下游加工製造業產能過剩，市場競爭激烈，令呢D行業無法通過漲價轉嫁成本，利潤漸漸集中上游能源產業，代表過去單純依靠成本優勢中國加工產業正面對轉型為技術優勢問題。要技術創新，必須將蚊年投入研究，一般認為企業研發費佔營業額2％企業才能生存，達5％以上才可產生技術優勢。但中國加工企業有幾多間將營業額5％用於研發？微薄利潤下，如再將5％營業額用於研發，便有更多工廠要蝕本。長期以來，中國企業依靠低成本而生存及發展，呢幾年企業生產成本快速上升，令企業利潤急跌。能否轉型到高新技術產業？將決定中國GDP能否長期維持高增長。

　　7月10日出版《學習時報》認為，環渤海經濟圈要崛起，須解決問題仍多。首先該區各省市產業結構雷同，一體化動力不足，難以進行分工合作。其次係天津、瀋陽、大連等實力差唔多，唔似長三角中有上海作為龍頭地位，珠三角中有深圳（其實係香港）作為龍頭地位，其他城市冇得揮。而且建制上，深圳八十年代已擁有決策權甚至立法權，係經濟特區；長三角發展時有江朱全力護航。此外，八十年代深圳開放之時，其他地方都未開放，因而佔「先發」優勢；九十年代浦東起步，既有深圳例子作參考，加上人民幣由1989年下半年至1994年1月前貶值協助，全國其他地方競爭力仍未發揮。今天環渤海第二產業上競爭對手唔少，卻要面對人民幣升值壓力，崛起方面較珠三角同長三角困難較多。

東亞區無就業增長情況嚴重

　　聯合國開發計劃署首次發布2006年亞太區人類發展報告，提及「無就業增長」東亞好多國家及地區都非常嚴重，尤其中國。「無就業增長」唔係話真係零增長，而係就業機會增長率落後於國家GDP增長率。呢個情況八十年代首先出現於美國、九十年代出現於日本、2000年中國出現。 過去五年，中國GDP增長率分別為8.3％、9.1％、10％、10.1％及9.9％，但就業增長率平均只有1.1％，即過去五年中國GDP高增長同時，就業方面卻出現低增長。中國吸收勞動人口方面呈下降趨勢，相信同經濟結構出現變化有關。例如製衣、紡織、鞋類呢類勞動密集型產業，漸漸改為資本密集型產業，加上長期低利率政策，投資者寧可投資設施去減少對勞工依賴，亦造成無就業增長。其次係勞動力錯配，例如廣東省每年有二百萬大學生畢業，但唔係市場所需人才，結果出現大量大學生失業，同時好多企業又請唔到合適人才。

　　根據國家發改委估計，今年新增勞動力達一千七百萬人，令全國城鎮需就業總量約二千五百萬人，需求方面只有一千一百萬人，即供大於求達一千四百萬人（較去年一千三百萬人進一步惡化）；再加上宏調所產生壓力，預料未來全國失業率進一步上升。

　　隨全球通脹形勢緊張，美、日、歐央行都同時緊縮貨幣政策，南韓、印度、南非甚至土耳其亦加入，因此 明年全球GDP增長率肯定放緩。中國加速淘汰產能過剩及落後產能，都將令未來就業機會下降。

　　國際結算銀行年報亦指出，新興市場經濟體融入全球生產過程，令全球經濟中實際工作者供應加倍，最大受惠國係中國及印度，成為產品外包主要市場，同時加劇競爭，削弱了受薪者談判議價能力，因為公司長期處於削減成本壓力下生產，亦形成核心通脹率維持低水平。近年高油價已引發各國緊縮貨幣政策，令美國同歐羅區經濟減速，將導致其他地區出口需求減弱。長期而言，美元價兌亞洲貨幣將進一步貶值，亦令呢D國家勞動成本上升，令今年下半年經濟出現周期性下降。

　　北方興業（736）、電盈（008）停牌。

　　■精優藥業（858）、四洲食品（060）、四洲集團（374）7月19日；139控股（139）、新世紀集團（234）、浩基集團（628）、泰德陽光（307）20日公布業績。

理財投資
P09 信報財經新聞 曹仁超
2006-07-10


投資者日記
駱駝遲早跪低



　　　7月9日，周日。近日天氣時晴時雨，股市亦一樣，五窮、六絕、七翻身，目前睇7月份只係另一個上落市。愈來愈多人相信後市唔易打破5月8日恒指高點17328點。6月13日開始的反彈市可能在上周結束。

樓市轉為用家市場不利投資者

　　踏入下半年，股份股價將按公布上半年業績而作調整。今年上半年公司業績表現相信大部分仍較去年同期好，但今年下半年係咪較去年同期好？便唔敢寫包單矣。尤其係利率一再被推高，樓市早已進入整固期，除特級豪宅外，其餘皆略有調整，物業市場正在軟化，但吸引力仍較股票好，起碼波幅冇股市咁大。樓市第二季起已轉為用家市場，不利投資者。

　　從商品價格趨勢睇，加息周期仍未完。6月13日起股市完成反彈後進入好淡爭持，暫時誰也未佔上風；估利率何時見頂遊戲第三季繼續玩。美元兌日圓連續第二星期回落，見114日圓，係6月9日以來最低；雖然歐羅上周宣布唔加息，歐羅價仍升上1.28美元兌一歐羅；上述已將美元在8月8日加息至五厘半因素計算在內。上周五有62％分析員相信美國8月8日將加息，以及有十五位分析員相信7月13、14日日本銀行會加息。 沃爾瑪股價上周跌4.5％，見四十六美元，因6月份營業額只升1.2％，係近十四個月內最細升幅。

恒指短期將補回上升裂口

　　美國十年期債券孳息率由6月29日五厘二五，回落到上周末五厘一三。長息在回落，但短息仍上升，即市場正估計美國經濟將進入放緩期。

　　利用短線分析工具（例如擺動指數、Oscillater等）分析後市，上周早已出現「沽出」訊號，或起碼「不宜買入」。 上周一（7月3日）VIX曾見七個星期低點，代表恒指短期高點在望，股市快完成由6月13日起反彈；結果恒指在7月6日見頂。短期大市將嘗試補回早前上升裂口，即6月29日恒指15916點至16134點上升時所產生裂口，意味短期可見16000點或以下。上述並唔重要，真正重要係5月低點能否守得住，因為恒指一旦低於16000點，代表恒指重返五十天線之下，最近升穿五十天線會否是走勢陷阱？炒短線麻煩地方係必須日日「見步行步」，唔似做中長線，買入後起碼有幾個月可以不理。

低增長高通脹時代來臨

　　美國第三季經濟增長率進入放緩期象明顯，孳息倒掛、樓市放緩、滯脹漸現；美國經濟經四年擴張期，開始進入放緩期十分正常，只係投資者有D唔習慣。上周五道指跌134.63或1.2％，見11090點，部分理由受3M股價大幅回落影響，跌幅達9％，見七十四點一美元。德銀估計，8月8日聯儲局將加息四分一厘，至五厘半；美國銀行估計，下半年利率最高可見五厘七五，反而對8月8日係咪加息冇意見。

　　上周五油價尾市回落至七十四點九美元，跌1.4％；今年上半年油價共升21％。上周美股只有三點五個交易天，似乎已形成另一高點，7月6日係咪次高點，很快便知道。5月開始投資策略轉為保守，應該正確。

　　2004年6月起聯儲局開始對抗通脹行動，在十七次會議中，每次皆決定加息四分一厘，至今已加息四厘二五；但通脹率反而進一步上升，加上8月8日加息機會高達64％。睇我地應習慣「低增長，高通脹」時代重臨。

　　漸漸不受控制美國貿赤、令人擔心的高油價（一度見七十五點七八美元一桶）及對通脹前景憂慮，令投資者對今年下半年前景感到不安，擔心道指由5月10日11670點與7月6日11257點拉出來下降軌，成為股市上升天花板。

　　1976年卡達總統上任時，已面對通脹壓力，但因政府遲遲唔肯大幅加息，結果令1979年油價上升超過三倍，美國貿赤一個月達一百四十億美元，引發美元在1979年價狂瀉，金價由卡達上台時一百八十美元一盎斯，急升到他落台前八百美元，並在1980年1月創下八百五十美元歷史高位。列根總統未上台，聯儲局已換人，雪茄伏上任立即將利率抽高，1981年曾見二十厘，引發1981年股市狂瀉、債券價格大跌，令美國經濟陷入衰退。 1982年市場對美元重新恢復信心，並開始十八年長美股超級大牛市。卡達總統100％係好人，但唔適宜做總統（仁者不掌權，義者不帶兵）。今天美國聯儲局主席由教授出任，我老曹真係幾擔心歷史會重演，例如我地白眉董亦係100％好人，但在佢當特首期間，港人卻雞毛鴨血。

美樓價若跌九牛二虎拉唔住

　　6月13日至7月6日股市上升愈來愈似反彈多於大市已見底，貝南奇「變面」遊戲，最終只會令聯儲局重新失去威信。7月或者只宜去旅行。道指已開始一浪低於一浪。6月份美國失業率不變，仍是4.6％，但新增職位只有十二萬一千個，而非估計中三十八萬六千個。美元又再轉弱，兌日圓重見114水平，人民幣見7.99兌一美元。本周日本銀行對利率決定十分重要，如日本銀行加息四分一厘，8月8月日美國冇條件唔加息。我老曹擔心唔係8月8日美元係咪加息（即使8月唔加，9月都加），而係美元利率是否止於五厘半。 貝南奇困局係利率如不升至六厘二五，未必可殺死通脹呢頭怪獸，目前已在張牙舞爪；如利率真係升至六厘二五，美國樓市怎辦？美國樓市如不興旺，美國人消費力將下降，消費冇增長（或增長放緩），美國GDP增長率將迅速下降，反過來又令美國樓價進一步受壓。人唔可以同時兩面作戰，拿破崙所犯錯誤係攻打英國同時揮軍俄羅斯，上述錯誤一百多年後希特拉再犯一次。 雪茄伏成功之處係知道自己不能兩面作戰，因此1980年初先收伏通脹呢頭怪獸，1982年才刺激經濟，為美國股市十八年牛市奠基。貝南奇上任五個月表現已有Ｄ手忙腳亂。有人認為殊仔剛愎自用（以為自己父親唔結束侯賽因政權是懦弱行為，唔理歐盟反對下出兵推翻侯賽因政權，才搞到今天周身蟻）；由佢委任聯儲局主席，恐怕亦係同一班底。2001年1月至今美國新增就業職位43％與房地產行業有關，一旦美國樓價回落，你話後市點睇？1990年日本人儲蓄率高達28％，1997年港人儲蓄率較日本人更高；美國人儲蓄率曾一度出現負數，一旦美國樓市下跌，真係九牛二虎亦拉唔住。 貝南奇已陷入進退維谷境界，到底哪一個加息四分一厘壓壞消費者呢隻駱駝背脊？要幾個月後才知道，有可能5月10日已經係，不過呢隻駱駝仍捱得住，跪低不久後又站起來，人們便以為冇事，6月29日再加四分一厘，8月8日……。分析家指出，美國經濟不能長期承受七十美元以上油價，不然美國消費者資金遲早給人抽乾。因為美國人車、開冷氣、暖氣、家庭電器化、坐飛機、開遊艇，無一不用油。如欲油價回落，必須抽緊銀根製造經濟放緩（但不利樓市），如不再加息，恐怕控制不了油價。 貝南奇擲公字選擇：「公仔」係高通脹、高油價、美元遲早大跌；「字」係油價回落、美元穩定但樓價回落。你話點揀？油價一度超過七十五美元，一次由油價推動CPI上升潮係咪已開始？1974年油價上升，曾令通脹率上升速度達雙位數。聯儲局為打擊通脹，1974年7月聯邦基金利率升上十三厘，令恒生指數由1974年5月450點一直跌至1974年12月150點，跌幅三分二；1970年本港樓價由一百元一呎升至1973年三百元一呎，上升200％後，在1974年12月跌至二百元一呎，回落三分一。

印度試射導彈美國冇表示

　　1980年油價升上四十五美元後，恒生指數由1981年1850點跌至1982年676點，下跌63％；樓價由一千二百元一呎跌至六百五十元一呎，下跌45％；金價由1976年一百零三美元升至1980年八百五十美元後，亦大幅回落至1982年四百美元。

　　相信油價上升推動經濟增長期完畢，進入油價上升令經濟回落期（一如2004年6月至今年5月股市與利率齊升，但5月10日加息後股市卻大跌）。初期油價上升有利經濟，例如刺激能源股價上升及投資增加；但到某一水平卻不利經濟。 七十五美元係咪分界線?!木宰羊。中國同印度興起，令低油價時代結束。中國同印度人口加起來係美國八倍，一旦進入消費期，何來咁多廉價物資？

　　第二季美國標普五百成分股估計純利平均升12.3％，係連續第十二季雙位數上升，亦是1950年以來最長一次企業純利雙位數上升，會否是最後一季純利大升？雖然分析家估計第三季純利仍可上升15.3％，第四季再升14.8％，直至明年第一季純利升幅才改為單位數。上述估計在今年4月發表，當公布第二季業績後，8月份市場對第三季企業純利增長估計會否出現修訂？木宰羊，因第三季企業純利預測存在太多可變因素。

　　印度7月9日在東部奧里薩邦試射一枚帶核彈頭「烈火－3」型中程導彈，唔知美國又有何表示？如不反對，北韓試射導彈點解反應咁強烈？

　　二十八年前中國實施改革開放政策，廣東省一馬當先成為中國經濟最活躍地區，擔當了中國經濟火車頭地位，外資投入總額全國長期居首位，珠三角更成為全球製造業基地。其後山東、江蘇一帶後來居上，理由係廣東省營商成本日漸上升，土地變得短缺，勞工成本上漲，出口加工產品競爭力漸漸削弱；加上數千萬外來人口不能融入本土社會，形成龍蛇混集搞到治安日差。 去年廣東省人均收入達三千美元一年後，開始面對轉型壓力，有如八十代期初期香港，工資上升、土地短缺對製造業產生不利情況一樣。香港經濟轉型期，剛遇上中國改革開放政策，本港製造業內移，自己專注發展服務業，1984年起進入另一繁榮期，但廣東省唔可以。因此，廣東省計劃向南韓學習，走高新科技路線。廣東省能否轉型成功？便睇「十一．五」規劃了。

廣東省GDP相等於港新總和

　　廣東省省長黃華華近日接受《二十一世紀經濟報道》訪問時話，「十．五」計劃時，廣東省經濟年增長率13％；去年廣東省GDP首次突破二萬億元人民幣。二萬億元係幾多？相等於香港同新加坡GDP加起來總和，同台灣比較，只相差八百億美元左右，希望在2010年趕上台灣。廣東省用二十二年時間，GDP才打破一萬億元人民幣；然後只用五年時間，GDP已打破二萬億元，並希望在五年內趕上台灣。另一方面，廣東省傳統優勢在弱化中，例如資源、能源制約好大，再 由二萬億元爬上到三萬億元，必須成功轉型才可。廣東省將由對外依存度較高轉為內外兼顧，2002年廣東省利用外資金額已被江蘇省超過，呢幾年珠三角吸收外資能力唔及長三角，點樣在2010年GDP達三萬三千五百億元人民幣（按2005年價格計算），即人均收入達四千二百五十美元？目前台灣GDP年增長率4％左右，估計廣東省可保持9％，按目前速度，2010年廣東省應可超過台灣。八十年代珠三角以製衣、玩具、造鞋等低附加值產品為主；九十年代以家庭用具、家電、電子消費品為主；二十一世紀以電腦、手機、高級視頻產品、汽車及商品房為主，走向高新技術和重化工業，將帶領廣東省GDP超越台灣，向 人均收入五千美元進軍（目前台灣人均收入一萬三千美元，香港係二萬五千美元，日本係三萬三千美元）。

投資外國名牌成大生意

　　日本目前係最大「名牌市場」，全球名牌產品40％由日本人買去，一年營業額達一萬億日圓；日本人崇洋心態至今未變，大部分名牌係外國貨，本土貨仍被視為次一級。

　　一如香港，日本企業索性買下外國名牌來經營，並成為大生意；一如香港唔少外國名牌其實由港資擁有，相信上述情況日後亦會在中國出現。投資外國名牌已成為一項大生意！

理財投資
P09 信報財經新聞 曹仁超
2006-07-08

投資者日記
日本抽資全球震盪



　　7月7日，周五。恒生指數升18.79，收16459.78；成交二百一十三億五千萬元。7月期指低水，收16447點，跌42點。南方航空（1055）決定購買三十架空中巴士A320系列，東方航空（670）決定購買三十架、中國航空（753）決定購買二十四架。中國航空業將進入高增長期，但點樣令航空公司獲利仍然係頭痛問題。技術上睇，恒指進入窄幅波動期，下支持15200點，上阻力16500點左右，進入trader's market，只能選擇性投資及利用timing出入市場，上述都非一般散戶強項。

美上月零售營業額增長遜色

　　美國GDP第二季相信將由第一季增長5.6％回落，至於回落幾多尚未正式公布。寬鬆資金供應環境已出現改變，此乃近十六年內第四次短息較十年期債券孳息率仲高。高油價及利率逐步上升環境下，消費力減弱已無可避免。沃爾瑪、聯合百貨、Costco、Gap、Pier 1等零售商6月份營業額增幅皆令人失望。國際購物中心委員會公布，美國五十四大百貨公司6月份營業額較去年同期僅升2.6％（1至5月升4.1％。去年6 月份營業額較2004年升5.2％），尤其係沃爾瑪同店銷售只升1.2％。沃爾瑪以低下收入顧客為服務對象，首先受高油價及高利率影響，根據美國勞工部數字，美國人6月份消費力實質下降0.2％。自2001年1月開始，美國人收入扣除通脹唔係冇上升就係回落，今年6月已係第六十五周（扣除通脹）回落。支持消費上升係屋內自動提款機（ATM），藉樓價不斷上升，透過物業二按可產生現金。不過，今年第二季開始呢架ATM壞，再撳唔出銀紙。根據安永會計師事務所報告，英國家庭過去五年可消費收入減少10％（雖然同期收入升18％），主因係醫療保險費、稅項、貸款利率以至公用事業開支等通通上升。但英國人其他開支並冇減少10％，理由亦係自樓價上升！估計其他英語區國家情況亦差唔多。呢次經濟繁榮係建基於利率下降刺激樓價上升所引發。根據經濟周期研究學會資料，今年第二季出現近十年內首次全球英語區國家樓價都略為回落，無論英國、美國、加拿大、澳洲、紐西蘭都唔例外，甚至新加坡同香港亦感覺到壓力。

　　2000年起，由紐約到倫敦、由溫哥華到悉尼，都進入富者愈富而打工仔卻發現自己處境愈愈差時代。外判壓力過去只出現製造業，依家已遍及各行各業（香港早1997年感受到）。自印度、巴基斯坦、東歐廉價勞工，將工資壓低50％或以上（香港因內地移民來港，早令勞工市場薪金自1997年起下跌50％）。富裕國家打工仔生活愈愈差，仍可利用物業再按揭去維持生活水準唔下降，但上述存在危險性，就係萬一樓價回落怎辦？

　　美國威脅唔係自北韓導彈，而係下周日本會否加息四分一厘，結束零利率政策。根據Bianco Research 統計，2月份起日本銀行抽資行動，係引發4月7日日經平均指數回落理由，然後引發5月10日新興市場股市回落。6月13日股市反彈，係自日本銀行重新將資金注入金融體系。2至5月日本銀行抽走二十一萬五千六百億日圓（約一千八百八十億美元），令三個月日本同業拆息由零點○八厘升至零點三五厘。過去日本過剩資金流向世界各地，投資高回報項目（因借日圓接近零利率）；一旦日本抽資令外流資金重返日本（以冰島、紐西蘭等所受壓力最大），最後將引發5月 10日起全球原材料跌價。我老曹擔心日本銀行呢次抽緊銀根行動，係咪重演1937年聯儲局錯誤決定（當年以為經濟已復甦，可以減少資金供應）。當年聯儲局要求美國銀行將儲備提升一倍，以減少過剩資金。為對付通縮，羅斯福總統上台後宣布美元兌黃金貶值及持有黃金為非法，由國家收回，形成大量美鈔發行，令通縮出現扭轉。1938年4月羅斯福下令聯儲局抽緊銀根，以免出現通脹。道指由1938年11月158.41，下跌到1942年4月92.98，跌幅達41％。

　　日本首相小泉8月退休，早已係跛腳鴨，日本銀行行長謠言纏身，日本大藏省公開要求日本銀行唔好加息。日本銀行為顯示政治獨立性，會否反而宣布加息四分一厘，引發另一次日本衰退？日本股市由1990至2003年雖然已回落十三年，2003年起全世界都認為日本經濟應復甦，但世事往往非人類主觀願望可以改變。

7月開始新一輪de-leveraging

　　著名股市分析員David Schwartz在《金融時報》提出「Sell in May and go away！」（我老曹受佢影響，5月份亦提出「Sell in May」），事後證明5月10日至6月13日恒生指數跌幅達16％，英國富時指數跌幅9％。6月13日後股市反彈，後市點睇？Schwartz認為， 1935年至今六十年內，出現類似事件共十次，反彈完成後，7月份通常又恢復回落，平均跌幅27％。

　　另一著名美股分析員Lowry認為，6月道指波幅係近五十五年內少見，一天之內變化溫巴仙；例如上周6月27日跌120點，然後6月29日上升217點，日日上落溫至吐巴仙。上述波幅可以嚇到普通投資者決定減持股票，對下半年美股不利。

　　Intelligence Capital負責人Avinash Persaud認為，今年2至5月日本銀行抽走一千八百八十億美元資金，上述資金大部分唔係留日本本土（因為賺唔到錢），而係流出日本到新興市場；依家被抽走，出現de-leveraging係遲早事。一如白天之後係黑夜咁簡單，5月10日開始，第一潮急跌；6月13日極度超賣下反彈，踏入7月新一輪de-leveraging開始毫不奇怪。2001年起日本零利率政策，加上美國減息，製造2003至06年上半年全球經濟繁榮；今年2月起日本抽資，最終會否令全球原材料價格回落？美國物業按揭貸款有一萬億美元今年須重新訂定利率，明年有一萬七千億美元物業按揭貸款須重新訂定利率，令貸款人未來利息負擔將上升20％至60％。世界股市另一次熊市會否從4月7日由日本開始？

　　2001年起全球貨幣高速增加，最終必令股市、樓價、原材料價格上升；今年起各國央行減慢貨幣上升速度，遲早令股市、樓價及原材料回落。點解要減慢貨幣供應？2001至05年全球石油產量由二千五百萬桶一天，上升到三千一百萬桶一天；油價由十九美元一桶，上升至七十美元。今年起石油產量已停滯不前，油價只七十美元水平上上落落，理由係貨幣供應增長率迅速回落。

　　1998年美國收支赤字佔GDP 2％，到2005年已佔GDP 7％，如果唔再減慢貨幣供應增長率，只要多七年時間，美國收支赤字將達GDP 20％，可以引發美元價全面崩潰。

　　另一重大因素係日本同中國今年起對美元胃口已滯滯地，減少吸納美元及美債，形成美國債券價格亦回落。

中國仍有十多年黃金歲月

　　工業革命後，歐洲工業國利用軍事力量征服世界其他國家，將別國原材料運回本國變成工業產品，部分運回被征服國家支付原料費，中間差價變成工業國驚人利潤。十九世紀只有歐洲經濟出現繁榮，全球其他國家成為原料生產國，只有少數富人才可享受由歐洲運返工業產品（當時叫做來路貨）。呢段日子叫做殖民地式統治，十九世紀差唔多所有歐洲國家海外都有殖民地，為歐洲提供原材料及市場。歐洲國家為爭奪原材料而打起，爆發第一次世界大戰及第二次世界大戰。戰後殖民地紛紛獨立，加上戰爭所帶破壞，歐洲最繁榮日子過去，其地位由美國取代。美國通過貿易，向全球別國買入原材料，然後把製成品賣番畀別國。戰後美國一國獨大，直到七十年代日本及歐洲從戰爭破壞中重建，重新加入爭奪產品市場，全世界由五、六十年代美國一國獨大改為三頭馬車（美國、日本及歐洲共享）。戰後蘇聯、東歐、中國奉行共產主義制度，印度及南美洲國家相信社會主義，令經濟一直發展唔起來。1978年中國實施改革開放；1990年柏林圍牆倒下，東歐變天，連蘇聯亦解體變成俄羅斯。印度眼見中國經濟成功，亦放棄社會主義，南美洲亦加入，形成所謂「BRIC」（金磚四國）。八、九十年代呢Ｄ國家開始重新加入競爭，最先令日本自1990年起經濟停滯不前（因本土冇原材料），接係歐洲；由東、西德合併到今天歐盟，西歐重新同東歐融合，只有美國經濟仍然欣欣向榮，成為BRIC產品最大市場。2000年TMT股泡沫爆破，即連美國亦無法保持，走上日本及歐洲相同命運。　　中國經過二十八年改革開放後，本國原材料已無法支持大量製成品出口，必須到全球各地搜購原材料，結果帶動拉丁美洲、非洲、中東及俄羅斯呢Ｄ原料供應國經濟。相信印度好快會步中國後塵，向世界各地搜購原材料。

　　工業革命後，全球經濟整整一百年，出現向歐洲傾斜現象；直到二十世紀美國興起為止，殖民地時代才結束。美國透過科技創新及受惠於兩次世界大戰時破壞 歐洲同日本工業設施，而雄霸半個地球（另半個地球走共產主義及社會主義路線，經濟停滯不前）。七十年代日本及歐洲恢復國際地位；八十年代中國崛起；九十年代印度亦起動，南美洲及東歐加入；二十一世紀連非洲都加入，世界經濟又漸漸重返工業革命前情況，唔再係歐洲獨大或美國獨大，而係共享地球資源。美國將步日本、歐洲後塵，自2000年起進入呆滯期。中國如參考日本例子，應該仍有十幾年黃金歲月。

萬物皆有時難逃盛衰循環

　　上一代人認為股票係偏門生意，經歷過四十年代上海股市大風暴上海人，能夠逃亡到香港已係萬幸。再經過港股1963到67年大幅回落，好難怪佢地有此諗法。佢地發夢都諗唔到，1967至97年恒生指數可以上升二百三十倍！到1997年港人為股市及樓市瘋狂，同樣理由，佢地亦未諗過樓價可以下跌65％，以及股市九年內大上大落後而冇升幅。許多人以為未來係過去延續，而忘記東方民族智慧係「萬物皆有時，任何事物皆逃不過盛衰循環」。六十年代上海人避開香港物業同股市之時，卻眼巴巴睇住股市上升二百三十倍、樓價上升二百倍；1997年新一代港人以為樓價永遠向前、股市只升不跌，九年後今天發覺原來唔係！當人人以為十年黃金變爛銅之時，2001年起金價卻升完可以再升。風水輪流轉，地運平均每十八至二十二年改變一次。例如黃金衰二十年才改變方向，今年金價係咪1974年翻版？1974年金價見二百美元後，回落到1976年中才再上升；今年5月後，金價係咪需要十八個月調整期？股市又係咪另一次1973 年，油價上升令股價回落？

　　聯洲珠寶（926）、天譽置業（059）、瑞源國際（476）、匯盛（8108）停牌。

　　內蒙發展（279）周五改名為民豐控股。

　　■大昌微（567）、遠東酒店（037）、玉皇朝（970）、凱暉國際（269）7月18日；卓高國際（264）20日；龍昌（348）、華富國際（952）、森信紙業集團（731）21日公布業績。

理財投資
P09 信報財經新聞 曹仁超
2006-07-08

投資者日記
日本抽資全球震盪



　　7月7日，周五。恒生指數升18.79，收16459.78；成交二百一十三億五千萬元。7月期指低水，收16447點，跌42點。南方航空（1055）決定購買三十架空中巴士A320系列，東方航空（670）決定購買三十架、中國航空（753）決定購買二十四架。中國航空業將進入高增長期，但點樣令航空公司獲利仍然係頭痛問題。技術上睇，恒指進入窄幅波動期，下支持15200點，上阻力16500點左右，進入trader's market，只能選擇性投資及利用timing出入市場，上述都非一般散戶強項。

美上月零售營業額增長遜色

　　美國GDP第二季相信將由第一季增長5.6％回落，至於回落幾多尚未正式公布。寬鬆資金供應環境已出現改變，此乃近十六年內第四次短息較十年期債券孳息率仲高。高油價及利率逐步上升環境下，消費力減弱已無可避免。沃爾瑪、聯合百貨、Costco、Gap、Pier 1等零售商6月份營業額增幅皆令人失望。國際購物中心委員會公布，美國五十四大百貨公司6月份營業額較去年同期僅升2.6％（1至5月升4.1％。去年6 月份營業額較2004年升5.2％），尤其係沃爾瑪同店銷售只升1.2％。沃爾瑪以低下收入顧客為服務對象，首先受高油價及高利率影響，根據美國勞工部數字，美國人6月份消費力實質下降0.2％。自2001年1月開始，美國人收入扣除通脹唔係冇上升就係回落，今年6月已係第六十五周（扣除通脹）回落。支持消費上升係屋內自動提款機（ATM），藉樓價不斷上升，透過物業二按可產生現金。不過，今年第二季開始呢架ATM壞，再撳唔出銀紙。根據安永會計師事務所報告，英國家庭過去五年可消費收入減少10％（雖然同期收入升18％），主因係醫療保險費、稅項、貸款利率以至公用事業開支等通通上升。但英國人其他開支並冇減少10％，理由亦係自樓價上升！估計其他英語區國家情況亦差唔多。呢次經濟繁榮係建基於利率下降刺激樓價上升所引發。根據經濟周期研究學會資料，今年第二季出現近十年內首次全球英語區國家樓價都略為回落，無論英國、美國、加拿大、澳洲、紐西蘭都唔例外，甚至新加坡同香港亦感覺到壓力。

　　2000年起，由紐約到倫敦、由溫哥華到悉尼，都進入富者愈富而打工仔卻發現自己處境愈愈差時代。外判壓力過去只出現製造業，依家已遍及各行各業（香港早1997年感受到）。自印度、巴基斯坦、東歐廉價勞工，將工資壓低50％或以上（香港因內地移民來港，早令勞工市場薪金自1997年起下跌50％）。富裕國家打工仔生活愈愈差，仍可利用物業再按揭去維持生活水準唔下降，但上述存在危險性，就係萬一樓價回落怎辦？

　　美國威脅唔係自北韓導彈，而係下周日本會否加息四分一厘，結束零利率政策。根據Bianco Research 統計，2月份起日本銀行抽資行動，係引發4月7日日經平均指數回落理由，然後引發5月10日新興市場股市回落。6�%

理財投資
P09 信報財經新聞 曹仁超
2006-07-07

投資者日記
政府插手市場萎縮

　　7月6日，周四。恒生指數升173.81，收16440.99。期指升175點，收16490點。聯想（992）升2％，理由係營業額60％自中國；華創（291）升5％；中移動（941）升2.1％。

　　美國新財長保爾森鼓勵中國「更快地」令人民幣更具彈性；今天人民幣報7.9918兌1美元。經濟學人資訊中心（EIU）首席經濟師Robin Bew估計，明年上半年人民幣可能一次性升值15％，引發資金流入香港炒國企股。港大將香港第二季GDP增長率上調至6.7%、第三季至5.9%，全年 6.5％。

美國散戶愛上黃金

　　淡友利用北韓導彈推高油價及壓低股市，令納指跌1.69％、標普五百跌0.72％、道指跌0.68％。十年期債券孳息率見五厘二三，美元價上升。金價最高見六百三十二點五美元，但缺乏後勁，相信金價亦完成五百四十二美元開始反彈【圖】，後市金價五百四十二至六百三十二美元之間上落。6月份美國鷹揚金幣（22K）共售出十一萬三千多個（5月只售出三萬六千五百個，去年6月只售出二萬個）。新鑄美國水牛金幣（99.99％純度）6月20日開售，至 7月3日止共售出十萬四千五百個。美國散戶開始愛上黃金！此乃牛市二期現象。

　　歐洲央行7月6日開會後，決定維持利率不變，仍係二厘七五。至於8月3日會否加息？五十五家金融機構中，有四十七家認為唔會；8月31日乃第三季度最後一次利率會議，四十九家金融機構認為會加息。

　　日股受美國工廠訂單數據及油價上升影響而回落202點，但恒生指數卻上升173.81；成交二百四十二億一千五百多萬元。印尼央行5月至今第二次減息四分一厘，至十二厘二五，因6月通脹率下降，6月份CPI只升15.5％（5月份升15.6％）。6月29日至今印尼盾兌美元升2.3％，成9155兌1 美元。世界銀行估計，今年印尼GDP可上升5.5％（去年升5.6％）。

　　2月10日至6月12日日本銀行抽走二十一萬五千六百億日圓（約一千八百七十七億七千六百萬美元），結果引發日經於4月7日回落。6月13日起日本銀行重新向系統注入七萬五千億日圓，日經才回升。由此可見貨幣增減對股市關係。

　　6月29日貝南奇話，8月8日係咪加息要睇數據而定。ADP全國僱員報告指出，6月份增加三十六萬八千人就業，較估計非農業職位增加十六萬個為多，又再增添加息壓力。8月8日加息四分一厘機會上升至84％（周一係72％）；9月10日加息到五厘半機會更高達96％（周一係80％），即如果8月8 日唔加息四分一厘，9月10日亦會加息到五厘半。點解5月10日起加息對股市產生影響力？因為利率較核心通脹率已高出二厘，壓力漸現；如利率高出核心通脹率三厘，便有足夠能力阻止原材料價格上升。利率自5月10日起開始進入高於核心通脹率二厘時期！今天8月期油見七十五點三五美元，令人擔心年底可見八十美元，到時貝南奇點算？會否進一步推高利率？北韓可能已在製造核武，但北韓冇石油，因此美軍唔會發動攻擊，加上北韓與中國有聯防協議，一旦北韓受攻擊，中國無法唔介入；此乃北韓夠膽玩理由。中國政府面對呢個頑皮小弟弟，只有苦笑。

　　油價、金價、美元、利率同時上升，股市卻步入回落期。不過，分析員仍未肯定6月13日至今上升到底係反彈抑或升市開始。英國諺語：It never rains but pours! D衰一係唔，一可以衰到貼地！例如1997年8月香港樓價下調；例如2000年TMT股泡沫爆破。如油價及金屬價格唔受控制，貝南奇日後將面對千夫所指（1979年聯儲局主席米路士命運）。做領袖唔係要去討好別人，而係「有所為，有所不為」。歷史往往以你成就去評論你，而非你係咪討人歡喜（只有狗同小孩子才討人歡喜）。

英樓價下調買樓意欲減

　　美國樓市已面對逆風，英國一早已經係（我老曹今年3月倫敦放盤出售兩個單位，至今仍未成交，而且已第二次調低放盤價）。根據穆資料，美國物業按揭貸款中，有約二萬億美元貸款利率協議2006及07年到期，必須重訂，佔總貸款四分一，即2006及07年後將有四分一美國供樓者開始捱貴息。當樓價停止上升後，物業投資吸引力便下降，英國樓價已較去年第三季下調10％左右，搞到今年買樓意欲大減。　

　內地《第一財經日報》引述一位接近決策層人士話，限制外資進入中國房地產政策好快出台，主要係限制非中國居民（包括港澳台同胞）購房為主。新政策將包括如何界定真正FDI同投機為目的熱錢，對非中國居民中國境內購買房屋將執行嚴格審批及登記制度，甚至可能量化為每位非中國居民只能購買一至兩套用 居住住房，並一定期限內唔准轉讓。

　　2002年中國取消外銷房及內銷房區別後，中國境內房地產外資投資方面已冇任何政策障礙。IMF一百八十七個成員國中，大部分對外資進入房地產都有一定規定，英國係少數例外（外資較英國人有更多稅務優惠）。例如澳洲要求非居民離開時必須立即出售所購房產；西班牙對非居民大額出售或超過一定標準住房要事前報告；塞浦路斯對用外買賣房地產者每年出售房產出境外款項不得超過一百萬塞鎊或總金額三分一，主要理由係房地產係民生基本需要之一，限制目的係阻止外資利用銀行借貸炒樓，咁樣做對該國人民不利，對整個地產開發業亦不利。　
今年6月1日國家對房地產市場實施第二輪宏調政策，一個月後會點樣？南京決策地產研究中心7月6日發布「南京6月份房地產需求特徵調研報告」，28％準購樓者計劃推遲買樓；4.5％放棄買樓；其餘仍要買樓。估計今年南京商品房需求約一千五百萬平方米。後市展望，16％受訪者認為宏調冇影響，74％認為樓價仍會上漲，但漲幅有所回落，情況同去年實施「國八條」調控時一樣。睇南京樓價仍會上漲，只係漲幅放緩。去年3月及4月國務院先後出台「舊國八條」同「新國八條」，一年後今天，內地樓價依舊高燒不退。今年5月17日國務院再推出「國六條」，規定唔超過九十平方米住房要佔開發總量70％，個人住房貸款首付由20％上調至30％……。任何產品發展過程中，出現供求不平衡十分正常，惟一解決辦法係依賴市場價格去調節供求，政府插手只會帶更大不平衡，甚至留下嚴重後遺症。簡單經濟常識：控制供給將導致價格上升，同時控制需求只會令市場萎縮。去年「舊國八條」及「新國八條」限制土地供應，結果除上海外（早已供過於求）全國樓價皆升；今年「國六條」一出限制需求，相信只會令市場萎縮，害死地產代理公司。

　　香港政府2003年9月孫九招一出，便限制香港土地供應，令香港樓價至今上升65％。隨利率上升，限制市民供樓能力，結果香港去年第四季開始面對市場萎縮，地產代理唔夠生意做。

政府應多賣地補貼建微利房

　　今天內地做地產，利潤70％自土地增值、20％自建築、10％自後期服務。如果唔准地產商賺取土地增值利潤，做地產生意利潤便太微薄了。由於土地由政府壟斷，土地升值最大得益者仍係政府。依家中國面對「高價房不愁賣，低收入者買唔起房」問題，解決方法係政府多賣地畀地產商興建高價房，將賣地收入大部分用作興建廉租屋或微利房畀中低收入者居住或購買，便可解決問題。中國政府唔向呢個方向走，改為限制地方政府賣地，今年更限制市民買樓（提高首期），結果只會令市場萎縮，冇贏家。

　　唔少人認為城市房價高會阻礙經濟發展，事實並非如此。香港樓價一向較澳門高，邊個城市經濟發展得更好？每個城市都有唔同價格房屋作為選擇，高樓價冇阻礙香港發展。同樣理由，高樓價亦唔會阻礙深圳、廣州、上海及北京發展，反而係政府干預才會阻礙城市發展（例如1978年香港政府租管及1985年起每年賣地五十公頃）。各行各業專家學者最好唔好跨過自己專業領域去講外行話，專家自己領域出類拔萃而受到群眾高度肯定，但唔好將自己專業領域內受到 肯定，投射到自己完全唔了解其他領域上，誤導群眾。上述係落後地區通病，例如某一領域博士其他領域扮權威，以為一行通即行行通。其中最多外行專家插手行業叫經濟，呢一行實在太多外行專家啦！

　　1914年起英國經濟進入回落期，當時美國早已係世界經濟最有影響力國家；2000年起美國經濟進入回落期，中國漸漸成為世界經濟上其中一個最有影響力國家。二十世紀世界重心由歐洲移去北美洲；二十一世紀世界經濟重心由北美洲移向亞洲。

　　去年全球物價排名，最貴城市係莫斯科，竟然超過東京、香港、倫敦及紐約；北京亦唔弱，排名第十四，超過巴黎同羅馬。

　　俄羅斯人均收入只有二千一百五十美元，莫斯科物價卻係全球最貴；美國人均收入三萬五千二百美元，華盛頓物價世界排名第八十三！北京人均收入四萬五千元人民幣，物價方面世界排名第十四位；巴黎人均收入二萬八千七百美元（約二十三萬元人民幣），巴黎排名第十五。點解巴黎人均收入較北京高五倍，物價反而較北京便宜？美國人均收入較俄羅斯人多十六倍，而莫斯科物價反較華盛頓貴？理由係壟斷。

物價偏高皆因壟斷

　　從前打長途電話去加拿大溫哥華，每分鐘收十六港元，理由係香港電訊公司壟斷長途電話業務；今天打長途電話去加拿大溫哥華，都唔知收費幾多（唔同公司有唔同收費），大約係從前香港電話公司時代快夫巴仙咁多，少到唔多為意，電訊公司鬥餐死，令消費者得益。

　　今天香港樓價點解仲咁貴？因為仍存在變相壟斷，特區政府係大地主，壟斷香港土地供應，加上今天要做地產發展商，冇幾十億元都唔使諗。今天香港電費點解咁貴？理由亦一樣，因為係壟斷。壟斷不但令市民負擔上升，同時造成社會貧富差距擴大最大理由。

　　東京、倫敦及香港點解物價咁高？因為工資高（產品及服務成本中，租金及薪金佔70％）。莫斯科及北京點解物價又咁高？因為市場未開放，壟斷各行各業中存在。好政府應該令工資高、物價低，而非令工資低、物價高。

　　人並非生而平等。女性有貌美與貌醜之分，優秀者更秀外慧中；男性有勇敢與膽怯之分，亦分聰明才智與愚蠢冇膽。社會應給予任何人平等機會。共產主義認為人人平等，結果失敗；資本主義卻信奉達爾文進化論，但適者生存則太殘酷。理想國如孔孟主張：天下為公，一個美好社會應該幼唔幼以及人之幼、老唔老以及人之老（我地愛惜自己仔女，點解唔同時愛惜別人仔女？我地孝順自己父母，點解唔同時援助別人父母？令社會上幼有所養、老有所依）。我地雖然唔係生而平等，但我地正在努力建立一個公平競爭社會，照顧老幼貧弱，咁唔係施捨，而係責任！畢非德講過：我地唔應該畀子女太多財富而令佢地無所事事，但應該支持佢地建立自己事業，培育佢地賺錢興趣。

　　我老曹認為，「千金難買少年窮」。年輕而冇錢係一股動力，年老而冇錢卻十分可憐。香港五、六十年代貧窮，造就七、八十年代香港精英；令人擔心係八、九十年代富裕社會下，香港能否為二十一世紀提供更多精英？富貴養驕兒，點樣人民建立起點樣社會。如果我地自己都唔遵守公義，何來公義社會？如果我地唔尊重公平競爭，社會好快會走向腐敗。一個冇理想社會，係經濟停滯不前社會。1997年後香港變成咁，除怪政府外，我地市民係咪一樣要負責任？

　　■中國衛生控股（673）7月14日；中信21世紀（241）、權智國際（601）17日；鷹美（2368）、東方實業控股（978）、啟帆（646）、勵晶太平洋（575）、四通控股（409）18日；威高國際（1173）19日；德興集團（611）20日；百威國際（718）21日；百靈達國際（2326）25日；匯隆控股（8021）26日公布業績。

理財投資
P09 信報財經新聞 曹仁超
2006-07-06
投資者日記
逃避小變惹來大變



　　7月5日，周三。恒生指數跌101.80，收16267.18；成交二百二十五億五千一百多萬元。7月期指跌128點，收16300點。

　　今天貝南奇成為大問號：面對美國經濟增長率放緩，但CPI升幅卻在擴大，佢如何作取捨？美國第一季GDP增長率5.6％，第二季估計只有2.9％（將於7月28日公布），下半年估計進一步放緩至2.7％。8月8日應否加息？美國5月份CPI 上升4.2％，理論上聯邦基金利率必須升至六厘二五，才能阻止未來CPI進一步上升。五厘二五至六厘二五之間，貝南奇點樣作取捨？如果利率太高，可令明年美國GDP增長率大幅放緩；反之，如果利率唔夠高，未來通脹率升幅擴大，又可令美國債券價格大跌。

　　貝南奇已上任五個月，華爾街仍在努力分析、了解及捕捉貝南奇對通脹睇法，當市場認為佢將停止加息，股市便上升；一旦擔心佢繼續加息，股市又回落，相信今年下半年仍然係咁。面對油價上升、樓市冷卻，加息及停加各有理由，大部分人估計美國消息者六個月後才減少消費。7月6日歐洲央行對歐羅利率作乜決定？7月14日日本銀行對日圓利率又作乜決定？2001年1月由格蛇開始再膨脹政策，成功令美股2002年10月起止跌回升，恒生指數亦從2003年 4月起上升，到今年5月，方向會否改變？

標普五百指數危危乎

　　參考標普五百指數，2003年當五十天移動平均線重返二百天線之上後，除2004年一度跌破（上述情況經常出現，叫做中期調整）外，一直未有跌破二百天線，但依家已危危乎【圖】；不但係咁，2004年起上升通道情況亦好危急。如果標普五百指數未來轉弱，真係唔係講玩。

　　今天新世界發展（017）跌2％，見十二元六角。新上市世茂房地產（813）雖然散戶唔多支持，上牌後股價仍升5.6％，見六元六角，同招股價六元二角五點三仙比較，已有唔少利潤。江西銅業（358）跌2.1％，見七元一角；公司7月1日關閉永平銅礦，因暴雨破壞一座橋樑，15日才重新開放該銅礦，估計將令產量減少一千噸。北韓射火箭令金價見六百三十美元，銅價見三點四四美元，8月期油見七十四美元，而股市卻回落。

　　去年11月我老曹曾擔心美元轉弱，但不致大幅回落；美弱勢到今年5月相信結束，5月之後美估計係上落市。5月10日加息及6月29日再加息，可減少全球流動資金，上述環境對美國房地產後市不利。

　　麥格理證券羅美斯建議，下半年投資宜避開亞洲外銷股份，因美國經濟增長放緩，令外銷商品需求轉淡；應該投資銀行股、電訊股及公用設施股。睇好者有中國、日本、歐洲股市，但睇淡南韓及台灣股市。

　　中國工商銀行去年獲利三百三十七億元人民幣，較2004年升12％，主因係淨利息收入升17％，至一千三百七十九億元人民幣，聽講今年9月將來港集資上市。

新地部署進軍南京

　　新地（016）副主席郭炳江一行人本月2、3日悄悄到南京考察，相信係新地進軍南京先兆。新地依家北京、上海、杭州都有投資，進一步投資南京只係順理成章事。香港地產公司向內地發展，早已成為趨勢。

　　房地產一向具有兩大功能：一、解決住房問題。例如人人需要有居住單位。二、商品功能。例如樓價上升時可產生財富效應，樓價下跌時亦會產生負財富效應，情況一如投資項目。點樣令兩者達致平衡？對建設和諧社會影響好大。最理想境界係樓價按年上升5－10％，一旦升幅大於10％，政府便增加土地供應，去減慢未來樓價升幅；一旦樓價停止上升（或回落），政府亦應減少土地供應去阻止樓價進一步下跌。社會人士可接受樓價調整幅度唔超過30％，一旦超過30％，便會引發負財富效應；上升亦一樣，一旦升幅超過30％，必吸引過量資金流入樓市，造成短期樓價近一步狂升，然後爆煲。

　　香港今年上半年物業交投共四萬七千九百一十四宗，較去年上半年減少35％，較去年下半年減少4％；金額一千六百二十五億元，較去年上半年減少30％。隨利率上升，物業交投減少，地產代理生意今年上半年減少30％或以上；反之，舖位租金及薪金卻上升。地產代理公司開始步入冬季；加上明年4月後政府恢復重售居屋，將進一步扯走二手住宅樓買家。

格蛇妙用兩大學派理論

　　凱恩斯理論認為，資本家為追求利潤，往往作出非理性決定，令經濟出現boom and bust。政府責任係利用貨幣政策、利率高低去減弱boom & bust所帶破壞。奧地利貨幣學派剛剛相反，認為經濟boom & bust係由政府錯誤貨幣政策所產生，因此政府制定貨幣政策上應謹慎，以避免經濟出現boom & bust；並認為個別行業盛衰係自然調節現象，政府不應插手，因為此乃必須。至今為止，上述兩大理論都有一定理由。1971年11月美元唔再同黃金掛 後，各國央行為刺激經濟增長，造成貨幣購買力平均每年以5％速度失去。八十年代列根上任後，開始採用奧國學派理論，1982年至今美國行業性盛衰仍存在，但整體經濟boom & bust未見出現。2001年1月起美國濫發貨幣，卻由中國吸收（因人民幣同美元掛）；日本因為面對通縮，2001年起亦大量發行日圓吸收美元。結果中、日兩國成為美元最大買家，令美國雖然濫發貨幣，但通脹率唔高。直到中國用賺返美元購買原材料搞基建，引發天然原材料漲價潮，美國才需要加息去壓抑 CPI上升。呢次CPI上升唔再因需求上升帶動，而係原材料價格上升刺激，即非良性通脹。

　　今年2月起日本曾減少吸納美元，令日圓升值。日經平均指數自4月7日起回落，間接引發5月份各國新興市場全面回落。6月13日起日本重新吸納美元，令日圓由109跌至118日圓，同時令股票市場反彈、商品價格上升。7月14日日本會否取消零利率政策？

　　凱恩斯唔認為利率應有下限，透過減息將儲蓄資金驅趕入投資市場，創造就業機會，帶經濟繁榮；因此利率必須減至儲蓄者願意投資水平為止。奧國學派則認為，利率不應低於CPI增長率，亦不應過分高於CPI增長率，不然便會產生經濟boom & bust。雪茄伏係奧國學派信徒。至於格蛇，2001年前貨幣政策亦以奧國學派為主，但當佢面對危機時，往往又改用凱恩斯理論（例如1987年10月股災、1995年墨西哥危機、1998年長期資本管理公司出事，以及2001年「九．一一慘劇」之後），可以話好巧妙地運用兩個學派優點。不過，2001 年起格蛇刺激經濟為主貨幣政策，再次種下今天通脹上升遠因。

　　Hyman Minsky理論認為，「穩定帶來不穩定」，無論凱恩斯信徒或奧國學派信徒都明白呢點。例如1984至97年香港經濟長期穩定增長，最後卻帶回歸後不穩定。今年5月商品價格係咪另一次不穩定開始？

　　國共之爭時，蔣介石認為應該以不變應萬變，毛澤東卻以萬變應不變，結果誰得江山？變幻才是永恒，可惜人們隨年紀漸大，往往拒絕改變。大機構如此、政府如此，連人諗法亦如此。逃避小變結果，往往引來大變。例如香港聯繫率及今天人民幣同美元掛。

北韓射導彈當美國冇到

　　市場善變。油價上升代表供應出現緊張，消費者應節省，生產者應增加呢方面投資，去增加未來石油供應。如國家制定政策令油價不變，到最後往往產生危機。政府不應補貼任何產品、任何行業，更不應控制價格、限制入口……。「小政府、大市場」，政府只須制定合理法律及決心維持市場秩序已經足夠，唔係只會令人民走上奴役之路。五十年代共產黨過分關心人民衣食住行，結果搞出糧票、布票……。1978年鄧小平提出改革開放政策，開始減少干預經濟，中國經濟由 1979年至今維持二十八年高增長。計劃經濟已證明走向奴役之路，但佢影子卻揮之不去。今天內地油價、電價政府仍然要管；樓價方面，政府三令五申，結果又點？不按經濟規律辦事，結果冇好下場。今天中國政府唔肯承認過熱經濟乃1994年1月起將人民幣同美元掛果！一如九十年代香港政府唔肯承認樓價狂升乃1983年聯繫率制度果。美國聯儲局作決定時，只會考慮美國利益，唔會同時考慮同美元掛地區╱國家之利益。作為投資者，應明白政府干預可產生經濟boom & bust，從中獲利。

　　今天北韓發射七枝導彈，令日經平均指數回落，日本揚言向北韓作經濟制裁。不過，北韓今天最大貿易夥伴係中國同南韓，只要上述兩國唔加入，抵制作用好有限。日本傳媒估計，日本銀行7月13、14日會議中將宣布加厘四分一厘，而唔理會日本大藏省警告。美國國務院認為，北韓呢次發射導彈係一種挑釁行為，下午四時半北韓再發射第七枝導彈，當美國冇到。

冒險精神推動美經濟向前

　　日本1941年12月7日偷襲珍珠港並取得空前勝利；上述係1904年事件翻版，當年日本擊沉俄羅斯旅順港（Port Arthur）戰艦，1905年俄羅斯與日本簽《樸茨茅斯條約》（The Treaty of Portsmouth），令日本海軍從此雄霸日本海。1941年日本如意算盤係美國正在打歐戰，重挫珍珠港後，美國會同日本簽和議，日本從此可雄霸太平洋。可惜美國反應同俄羅斯唔同，不但唔同日本簽和約，反而向日本宣戰。令日本發夢都諗唔到，美國太平洋區軍事勢力並非戰艦，而係潛艇。1945年戰事結束前，美國潛艇共擊沉日本超過一千一百七十八艘商船及二百一十四艘海軍艦隊。日本戰爭開始時共擁有六百萬載重噸商船，戰爭結束時被擊沉商船共五百六十三萬一千一百一十七載重噸，其中一半以上由美國潛艇擊沉。換言之，即使美國唔向日本擲原子彈，日本經濟已崩潰，因為冇商船為日本工廠提供原料補給；美國方面只損失五十二架潛艇。換言之，擊敗日本唔係海上美國戰艦，而係水底下潛艇！

　　上述戰略源自德國對付英國，英國係海島國家，必須有大量商船維持補給，才能維持作戰能力，日本亦一樣。所不同者係，英國戰艦有足夠能力為商船提供保護，曾炸沉唔少德國潛艇，消除英國商船威脅；日本戰艦卻用作運兵去攻打別國，卻無法為日本商船提供足夠保護。當日本大部分商船被擊沉後，日本便失去作戰能力。

　　八十年代，日本經濟上犯相同錯誤。日本汽車已較美國汽車更精巧，日本電子產品亦擊敗美國產品，睇得到產品上日本已勝過美國，便以為九十年代係日本第一時代。不過，日本卻敗睇唔到產品，例如互聯網、電腦軟件等呢D八十年代被睇唔起項目，結果二十一世紀仍係美國。數百年前，美國人祖先離開英國、法國、德國、意大利等，到北美洲尋找更大自由、更多機會。今天美國人亦離開美國，到中國、印度、東歐甚至俄羅斯去尋找機會。美國人呢種富冒險精神，係推動美國經濟一再向前力量。今天日本人欠缺就係呢種冒險精神。至於中國人，如非生活艱難，亦唔喜歡向外闖尋找機會。今天華僑唔少係因為上一代為生活才去外國，唔係為找尋機會而去外國！中國今天已充滿機會，但有幾多港人願意回國找尋機會？故步自封結果，只會原地踏步。

內地造假賬與挪用公款難解決

　　1962年中印邊界衝突而關閉通道今年7月6日重開，最大受惠者係印度錫金及中國西藏，有助印度鐵礦石、牲口由印度出口到中國，羊毛、草藥及電器則由中國運往印度。呢條山道海拔一萬四千一百呎之上，如果話真正經濟利益並唔大，但意義大於實質。

　　廣東科龍（921）因偽造三年財政收入及銷售額，罰款六十萬元人民幣，公司2002至04年偽造一億二千二百一十萬元人民幣銷售額，高級管理層挪用五億九千二百萬元資金後篡改淨獲利；今年4月海信集團以六億八千萬元收購科龍電器控股權。上述係內地股份最大問題：一、造假賬；二、高級管理層經常挪用公款。

　　僑雄國際（381）停牌，宣布發售新股。建懋國際（108）停牌。

　　■亞洲資源（899）、中汽資源（729）、高雅國際（907）、Gay Giano （686）、港台集團（645）、大眾金融控股（626）、位元堂（897）、宏安集團（1222）7月14日；盈信控股（015）20日；冠忠巴士集團（306）25日公布業績。

曹仁超--V型反彈將完成

投資者日記
V型反彈將完成

　　7月4日，周二。恒生指數升42.32，收16368.98；成交二百二十一億三千四百多萬元。7月期指高水，收16428點，升77點。恒指由5月 8 日17328點回落至6月13日15204點，反彈前跌幅61.8％，最高可見16516點。技術上睇，反彈市已接近完成。真正的底呈W型或U型

　　今天利豐（494）升2.2％；中信21世紀（241）升3.8％；國泰航空（293）升1.1％；大唐發電（991）升2.9％。恒生指數由6月 13 日15204點升至今天最高16379點，由保歷加通道下限升到通道上限【圖一】，如無意外，由6月13日開始反彈將止於16500點。6月13日回升係V型反彈，通常並唔穩定。真正「底」通常係W型或U型，極少V型。技術上睇，恒生指數將進入另一次回落期。

　　油價升至近八周高位，8月期油見七十三點七美元，主因係伊朗拒絕歐美提出暫停核子研究要求。

　　香港6月份住宅樓銷售少三分一，只有二百四十六億元，較一年前減少35％，較今年5月份減少26％；成交共八千五百零八宗，較一年前減少33％，較5月份減少8.8％。

　　投資者對7月展望，54％睇好、20％睇淡、26％保持中立。最睇好項目係貴重金屬及能源。後市展望，內地金融股如銀行股、保險股大方向仍睇好，但能源股就睇唔通。

　　十七次加息後，可令美國經濟增長率進入放緩期。美指數仲係好弱，6月13日反彈令美指數重返五十天線水平，但無法重返二百天線水平，睇又再回落。美元弱勢將令8月8日再加息四分一厘。去年美國消費者利用物業二按增加七千五百億美元消費力，今年難重施故技，因為第二季起美國樓價已停止上升，美國地產股更由去年高價回落42％！加上油價高企，又蠶食美國消費者部分購買力。

　　日本財長認為，7月14日取消零利率政策仍太早，希望日本銀行唔好咁做。上一次係2000年8月政府要求保持零利率，但日本銀行冇理會；其後日本財長認為2000年第四季開始衰退，係由日本銀行加息引發。呢次政府壓力下，日本銀行會點做？

　　股票市場絕對係一處可以賺大錢地方（畢非德已證明），但以小錢變為大錢絕非想像般容易。回顧1972－73年唔少人當年亦曾賺一百幾十萬，但到 今天有幾多人能夠長期保持資金每年增值20％？世界上第十一大奇係複利，以每年增值20％，每四年本利和一次；一變二、二變四、四變八、八變十六、十六變三十二、三十二變六十四、六十四變一百二十八，即二十八年後變大一百二十八倍。投資股票黃金三十年由1967年開始，每一萬元投資，1997年變成一百八十四萬元！1997年後股市有波幅冇升幅，欲保持每年資本升值20％更形困難。1997年至今曾出現兩個上升浪，第一個係1998至2000年年初  TMT股熱；第二個係2001年起至今年5月資源股熱。隨利率日漸上升，資源股熱能否持續，將係7月份最大爭議點。2003年下半年開始市民 feel good，令上街遊行者由2003年7月1日五十萬人減到今年五萬多人（警方數字更少至二萬幾人）。今年5月10日係咪另一潮汐改變日子？2003年上半年面對沙士疫症時，有幾多人知道係潮起日？而今年5月10日至今，仍搞唔清係調整抑或係潮落。

內地汽車數目進入高增長期

　　二十一世紀係咪七十年代？七十年代通脹高潮1974年12月，金價見二百美元後回落，到1976年中一百零三美元再激起滔天巨浪，至1980年1 月金價見八百五十美元才完成，當年升勢由越戰升級、石油危機、商品價格上升、利率無法壓抑通脹、美元信心動搖等合成。到二十一世紀，伊拉克戰爭令美國軍費開支由2001年佔GDP 3％，升到2007年佔GDP 4％（以金額計約四千四百億美元，較2001年二千億元上升超過50％）；反之北約（NATO）軍費開支由2001年佔歐洲GDP 2％，降至2007年共佔1％（唔包括美國歐洲支出），但同樣係油價上升、利率上升、通脹率上升……。七十年代大部分家庭仍係單收入（例如父親），如父親失業好大件事；二十一世紀大部分家庭係雙收入（例如父母），即使其中一個失業，亦只係生活水平下降。七十年代買樓首期佔樓價50％，今天買樓可以簽信用卡，連首期都有人借。七十年代一般人希望四十歲前完成供樓計劃；二十一世紀四十歲人才開始供樓，並可以分期三十年。七十年代坐飛機去旅行係奢侈消費，二十一世紀綜援家庭亦坐飛機去旅行。七十年代認為應該先賺錢後享受；二十一世紀流行先享受，第日才賺錢慢慢還。所以我老曹搞唔清二十一世紀係咪七十年代 重演。

　　中國私家車數目到2000年只有六百萬架，今天已超過二千萬架；今年私家車首五個月銷量較去年同期升54％，今年北京每天可售出一千架新車，中國已進入汽車數目高速增長期。

廣東省第二次工業革命

　　今年首五個月中國工業原材料購進價升5.9％，工業品出廠價漲幅只有2.6％，令工業成本增加一千多億元人民幣。儘管首五個月全國企業利潤升幅達 25.5％，但80％新增利潤集中石油、電力、煤炭、有色金屬等行業，其他三十多個行業絕大多數處於微利甚至虧損期。　　以農業為例，柴油、種子、化肥等價格升幅為雙位數，農產品價格升幅只有1％至2％，結果農民每年支出多一百多元，政府「三減免」政策下每年只補貼四十二元四角，結果仍補不抵支。


珠三角過去以傳統製造業為主，即海外媒體所謂「血汗工廠」，例如家電、紡織、服裝、製鞋、皮具、玩具、禮品、家庭裝飾、小五金等，主要依賴低成本優勢。沃爾瑪每年中國採購一百五十億美元以上產品，70％以上自珠三角。今年3月廣東省省長黃華華及省發改委等研究推動產業升級：一、產品規模化、品牌化及資訊化，產品由中低端市場爬向高端市場。二、電子資訊產業如電腦及零部件、手機及零部件、通訊設備等奮起直追，尤其係LCD產業不讓長三角地區專美，保持國內領先，成為珠三角一個主要增長點。三、重化工業如汽車、鋼鐵、石化、造船、機械裝備等，將招商引資重點放呢D領域上，希望五到十年內廣東省成為中國最重要重工業基地，唔再「輕重重輕」！四、服務業如金融、物流、房地產、產業服務、社會服務、文化產業提升，全力支持第三產業，力爭2020年第三產業佔 GDP 50％或以上。憑四箭齊發，努力將珠三角層次提升，將傳統製造業帶到周邊地區，例如廣東山區及兩邊如江門、惠州、肇慶、清遠等城市，再向江西、湖南、廣西等地轉移。　

　中國政府習慣「北重南輕」，主要教育資源都北方，例如電子院校、工科大學等，但電子資訊產業群體卻珠三角。中央政府應南方設立電子院校、工科大學等，協助珠三角轉型。有人形容呢次係廣東省第二次工業革命，由輕工業走向重工業，由製造業走向服務業。2006至2010年以電子資訊、石油化工、裝備製造及金融服務作為新四大支柱，帶動珠三角進入另一繁榮期。珠三角輕工業過去兩年面對電荒、煤荒、油荒，瓶頸制約日益嚴重，為突破三荒，廣東省必須走向重工業！

中國製造業可與日韓競爭

　　中國製造業近年已迅速轉型，去年出口升幅最大係汽車、軟件、汽車零部件、船隻、高科技電子產品等【圖二】；邊際利潤最好係高科技電子產品、汽車零部件及軟件等【圖三】。中國製造業漸漸同南韓、日本等國家競爭市場，開始由低邊際利潤項目如造鞋、製衣等，進入高邊際利潤項目，估計未來三至五年將有更多高科技電子產品、汽車零件及電腦軟件內地生產；反之，玩具、成衣、造鞋業優勢漸失。例如廣船（317）手上造船訂單已接至2009年，此股由我老曹介紹至今已上升五倍。理論上，投資策略亦應隨內地轉變而改變。

　　寶福（021）、泰山石化（1192）、大生地產（089）停牌。

　　■匯漢控股（214）、泛海集團（129）、泛海酒店（292）、其士國際（025）、其士科技（508）、包浩斯國際（483）、金源米業（677）、宜進利（304）7月13日；結好控股（064）、環科國際（657）、建發國際（223）、新興光學（125）、萬順昌（1001）14 日；香港飲食管理（668）、北京時裝（761）、聖安娜（192）、瑞安建業（983）、德永佳（321）17日；堡獅龍（592）、愛高電業（328）、冠亞商業（104）18日；永義國際（1218）、YGM貿易（375）21日；沿海家園（1124）27日公布業績。

理財投資
P09 信報財經新聞 曹仁超
2006-07-04
投資者日記
日經或現死亡交叉

　　7月3日，周一。恒生指數升59.04，收16326.66；成交二百七十四億零六百多萬元。7月期指升34點，見16351點。五窮六絕已應驗，7月係咪翻身時？我老曹睇法比較保守，估計7月份係個別發展上落市。5月上阻力仍然存在，6月下支持短期內仍頂得住。

零售業面對兩大壓力

　　5月份香港零售業較去年同期升5.3％，至一百八十六億元（4月份升9.5％）；零售量升幅更少，只有2％；數據較十八位分析員事前估計嘅升幅 9.5％為少。香港零售業增長高潮喺去年上半年，隨着利率上升，香港零售業面對兩大壓力：一、租金及薪金上升；二、營業額升幅有限，形成邊際利潤下降。

　　瑞信、大摩都指出，股市投資者經歷嘅風暴已過，建議投資者增持股票、減持現金。佢地認為市場喺6月13日已過分悲觀，樂觀時刻已到，未來股價表現最好，係大型公司將勝過小型股。MSCI世界指數已由6月13日低點反彈6.1％，日經平均指數自6月13日以來已上漲9.1％，但較4月高點仍低12％；大摩更估計一年內日股可突破5月高點。如睇日經平均指數至今未重返五十天移動平均線之上，加上五十天線急跌，唔排除短期內跌穿二百天線，出現死亡交叉點【圖】。日經指數今年4月7日起回落，較香港及美股早一個月，有一定的啟示作用。

　　日本「短觀」報告話，二千三百七十五間最大企業打算今年開支上升11.6％（較二十七位分析員事前估計升9％更多）。大廠家信心指數6月份係21（3 月份係20）。豐田汽車更打算加薪，因七年通縮已結束。日本十年期債券孳息率已見一厘九四五，十五位分析員中，九位相信7月14日將加息。日本銀行喺7月 14日開會會否加息？木宰羊。美國周一半日市、周二慶祝獨立日而停市，估計短期內無大上落。周五公布非農業就業收入，下周開始進入炒賣公司業績期，股市暫時唔理會8月8日聯儲局會否加息。7月6日歐洲央行會否加息？德國商業信心指數升至十五年高點，歐羅加息機會亦十分大。

　　6月29日美國聯儲局加息後，貝南奇最新立場係等候數據然後才作決定，市場對佢上述言論反應好好（因事前有人估計會加息半厘）。相信6月13日係短期大市嘅底，未來股價因應公司公布上半年業績而作調整。但短期內大市無法重上5月高點，亦不應跌穿6月低點。

反彈無阻資金流出亞太區

　　6月13日嘅反彈並未阻止資金流出亞太區（唔包括日本股市），只係流出速度減慢。過去兩周估計流走資金約十二億美元，至今為止未見大量資金回流。

　　今年1至5月中國累計貿易順差共四百六十七億九千萬美元，較去年同期升41％；5月份貿易順差達一百三十億美元，造成中國流動資金過剩嘅重要因素。反之，去年美國貿易逆差達七千二百五十七億六千萬美元，較2004年升17.5％；今年首四個月貿易逆差較去年再升6.4％。　

　美國貿赤達七千四百二十億美元一年，財赤超過四千億美元一年；共有超過一萬億美元喺中國、日本、南韓、台灣、香港等政府手中，上述政府一個決定，將可令美元滙價進一步受壓。呢幾年G7正努力令美元有秩序地貶值，此乃大趨勢；因此，美元必須維持較高利率作補償，相信美元高利率時期較大部分人估計都長。全球貿易失衡，造成全球經濟失衡。美國投資增長仍過快，儲蓄率嚴重偏低，形成貿易逆差擴大；反之，中國一般人缺乏投資機會，造成儲蓄率偏高，形成貿易順差擴大。

　　1980年起美國政府實施擴張性財政政策，係造成美國政府財赤及收支赤字進一步擴大嘅理由。克仔上台後一度致力削減財赤，令雙赤問題一度有所緩解； 2000年殊仔上台後，擴張政策變本加厲，令財赤及收支赤字進一步擴大；反之，亞洲各國經濟體系都以出口導向型經濟為主，加上國際產業結構調整，大量勞工密集產業轉至新興國家，形成新興國家產品大量出口，係造成今天全球貿易失衡及經濟失衡嘅理由。

　　美國TMT股泡沫爆破後，2001年1月3日起開始減息，「九．一一慘劇」後更變本加厲，經十三次減息，將利率由六厘半降至一厘。日本央行為咗對付通縮，亦實施長達五年嘅零利率政策，形成全球性流動資金過剩，更產生大規模跨境流動。今年5月10日聯儲局將利率推高至五厘後，各國似乎致力減少流動資金，令大摩世界指數喺一個月內下跌12％，金價由5月12日七百三十美元跌至6月9日五百四十三美元。6月13日起股市回升但未來大方向係點？仍未清晰。

　　美國又到咗打風季節，估計今年有十六個颶風（去年二十八個）。去年其中四個颶風帶嚟嘅破壞，令一千八百人死亡，損失財物超過一千億美元，係歷史上最大嘅一次破壞。今年又點？冇人可以預測。喺大自然威力下，人類能力變得十分渺小。打風嘅結果可影響天然氣、原油、糖以至橙汁售價。

鋼鐵業利潤全面回升

　　上周五中國政府公布「關於鋼鐵工業控制總量淘汰落後，加快結構調整通知」，再次提出淘汰一億噸鋼鐵落後產能嘅目標，係去年頒發「鋼鐵產業發展政策」及「鋼鐵產業結構調整指導目錄」後第三份指導性文件。中國計劃明年前淘汰五千五百萬噸落後煉鋼能力，形成二至三個年產三千萬噸級、若干個年產千萬噸級具國際競爭力嘅大型鋼鐵企業集團，令國內前十位嘅鋼鐵企業佔總產能50％以上。呢份通知係將去年發表嘅調整目標延後三年！全國落後煉鐵產能主要分布喺河北及山西省，佔該省煉鐵總產能46.9％同50.7％，如喺明年前全部淘汰三百立方米以下高爐產能，壓力太大，難以實現。另一方面，2003年以後新增煉鋼產能 80％未獲核准便上馬。依家問題係舊嘅未淘汰、新嘅已上馬，形成去年9月起鋼價全面下跌，而原材料價格卻上升。今年首季95％鋼材產品價格跌破成本。電費加價、水價上升、污染費上升；加上鐵礦石漲價19％，未來壓力仍在增大。今年1、2月鋼鐵業幾乎冇乜盈利，但3月份盈利較2月升三倍，4月較3月再升 45％，5月較4月升30％，6月較5月升20％。即今年3月份起鋼鐵業利潤已全面回升，雖然鐵礦石加價19％及電費上升。

　　中國本土鐵礦石資源有限，而且品質較低。依家中國入口全球鐵礦石國際交易量45％，估計到2008年佔50％以上，已導致2004及05年鐵礦石供應短缺及大幅加價。控制全球鐵礦石國際貿易市場70％嘅三大巨頭，亦投資數十億美元擴大產能，以滿足中國不斷上升嘅需求。

　　新出爐嘅BP世界能源統計，今年估計全球石油儲量可供生產四十年。去年係第三個上漲年頭，油價平均超過五十美元一桶，較2004年升40％；全球消費升 2.7％（2004年係4.4％），仍高於過去十年平均數。中國能源消費增長率由2004年15.5％，下降至去年9.5％，主因係成功解決發電用煤緊缺嘅問題。今年水電生產上升，估計中國能源消費增長率進一步下降。

　　華電國際（1071）宣布加電費4.4％，或每百萬瓦特時加十一元人民幣，6月30日生效，係過去一年內第一次加電費。華能電力（902）宣布加電費 7.3％。中國電力（2380）加幅最大，達15％。中國電力6月30日增加電費後，估計今年獲利七億八千六百萬元人民幣或每股二角五點一分，較去年升 18.8％，O十一點七倍，不過不失；估計明年獲利八億九千七百萬元人民幣或每股二角八點六分，O十點三倍。

　　7月1日起汽車進口中國進一步下調入口稅：小轎車、越野車、小客車進口關稅降至25％；汽車零部件降到10％。估計措施對內地汽車銷售有一定壓力。駿威（203）面對入口車減稅競爭，估計今年獲利十九億三千七百萬元或每股二角六仙，O十點一倍；明年規模經濟效益下，估計獲利二十三億八千六百萬元或每股三角二仙，O八點二倍，已到咗可以吸納水平。

　　吉利汽車（175）6月銷量略為下降，估計今年營業額仍可增長15％；純利上升一倍，至二億三千萬元或每股六仙。但股價已上升唔少，即使純利上升一倍，幫助仍然唔大，估計今年純利再升50％，至三億五千一百萬元或每股九仙，O重返十一點四倍。公司係好公司，但今年股價已大升，已好難落手了。

　　國家稅務總局地方稅務司處長張勤話，房地產稅並唔係用嚟作為短期調控嘅，但依家房地產稅佔地方稅收三分一，係重要稅收來源，包括房產稅、城鎮土地使用稅、城市房地產稅、土地增值稅、耕地佔用稅、契稅、印花稅、營業稅等八個稅種。1999年中國進行房地產改革，考慮到單位剛剛將房子賣畀職工個人，其中唔少係貸款買入，另外產權亦未落實得清楚，所以暫時冇向個人徵稅。按照房產稅計，將房屋出租嘅租金收入要向房屋產權人徵收稅嘅，個人稅率為4％，企業稅率 12％，日後可能仲要高D，只係政策修訂需要一定時間（香港如將房屋出租，政府抽租金收入15％作為物業稅）。中國政府只係短期內無法實現抽稅，唔代表喺內地將房屋出租唔使交稅。

　　外傳國家發改委依家修訂緊「外商投資產業指導目錄」。外商投資住宅開發建設房地產業將唔再享受「鼓勵類」優待。現行目標2004年11月30日修訂，將外商投資領域分為鼓勵、限制及禁止三大類。如失去「鼓勵」地位，外商投資內地房地產將面對「限制」，不利中國WTO國際形象。

建立優質民主避免黨爭

　　2000年民進黨憑選票取得台灣管治權，係華人社會中首次，應係中華民族嘅光榮。不過，過去六年多嘅問題，並冇向世人顯示民主政制優良嘅一面，反而迅速暴露粗糙民主嘅缺點（黨爭）。依家國民黨係立法院內成為少數派，冇三分二議員支持下無法罷免總統；另一方面，國民黨又有足夠議席阻止民進黨進行改革，結果拖拖拉拉六年多，台灣經濟陷入泥氹。

　　香港亦在爭取普選，我地係咪有能力防止類似台灣嘅例子喺香港出現？過去九年香港雖然未致發展成為黨爭，但無謂嘅爭抝早已令香港經濟停滯不前。點樣引入優質民主，避免出現粗糙民主出現？呢點更令人關心。走向民主已係世界大方向，問題只係時間，點樣建立優質民主、避免陷入黨爭亦好重要。

　　路訊通（888）停牌。

　　中國香精香料（3318）、財華社（8317）、駿新集團（091）停牌，宣布配售新股。

　　祥泰行（199）7月5日起改名澳門祥泰地產。

　　■神州數碼（861）、同得仕（518）、冠華國際（539）、莊士機構（367）7月12日；新昌管理集團（2340）、南聯實業（098）、南聯地產控股（1036）13日；長江製衣（294）21日；恒生銀行（011）31日；東亞銀行（023）8月4日；香港交易所（388）16日公布業績。

　　7月3日，周一。恒生指數升59.04，收16326.66；成交二百七十四億零六百多萬元。7月期指升34點，見16351點。五窮六絕已應驗，7月係咪翻身時？我老曹睇法比較保守，估計7月份係個別發展上落市。5月上阻力仍然存在，6月下支持短期內仍頂得住。

零售業面對兩大壓力

　　5月份香港零售業較去年同期升5.3％，至一百八十六億元（4月份升9.5％）；零售量升幅更少，只有2％；數據較十八位分析員事前估計嘅升幅 9.5％為少。香港零售業增長高潮喺去年上半年，隨着利率上升，香港零售業面對兩大壓力：一、租金及薪金上升；二、營業額升幅有限，形成邊際利潤下降。

　　瑞信、大摩都指出，股市投資者經歷嘅風暴已過，建議投資者增持股票、減持現金。佢地認為市場喺6月13日已過分悲觀，樂觀時刻已到，未來股價表現最好，係大型公司將勝過小型股。MSCI世界指數已由6月13日低點反彈6.1％，日經平均指數自6月13日以來已上漲9.1％，但較4月高點仍低12％；大摩更估計一年內日股可突破5月高點。如睇日經平均指數至今未重返五十天移動平均線之上，加上五十天線急跌，唔排除短期內跌穿二百天線，出現死亡交叉點【圖】。日經指數今年4月7日起回落，較香港及美股早一個月，有一定的啟示作用。

　　日本「短觀」報告話，二千三百七十五間最大企業打算今年開支上升11.6％（較二十七位分析員事前估計升9％更多）。大廠家信心指數6月份係21（3 月份係20）。豐田汽車更打算加薪，因七年通縮已結束。日本十年期債券孳息率已見一厘九四五，十五位分析員中，九位相信7月14日將加息。日本銀行喺7月 14日開會會否加息？木宰羊。美國周一半日市、周二慶祝獨立日而停市，估計短期內無大上落。周五公布非農業就業收入，下周開始進入炒賣公司業績期，股市暫時唔理會8月8日聯儲局會否加息。7月6日歐洲央行會否加息？德國商業信心指數升至十五年高點，歐羅加息機會亦十分大。

　　6月29日美國聯儲局加息後，貝南奇最新立場係等候數據然後才作決定，市場對佢上述言論反應好好（因事前有人估計會加息半厘）。相信6月13日係短期大市嘅底，未來股價因應公司公布上半年業績而作調整。但短期內大市無法重上5月高點，亦不應跌穿6月低點。

反彈無阻資金流出亞太區

　　6月13日嘅反彈並未阻止資金流出亞太區（唔包括日本股市），只係流出速度減慢。過去兩周估計流走資金約十二億美元，至今為止未見大量資金回流。

　　今年1至5月中國累計貿易順差共四百六十七億九千萬美元，較去年同期升41％；5月份貿易順差達一百三十億美元，造成中國流動資金過剩嘅重要因素。反之，去年美國貿易逆差達七千二百五十七億六千萬美元，較2004年升17.5％；今年首四個月貿易逆差較去年再升6.4％。　

　美國貿赤達七千四百二十億美元一年，財赤超過四千億美元一年；共有超過一萬億美元喺中國、日本、南韓、台灣、香港等政府手中，上述政府一個決定，將可令美元滙價進一步受壓。呢幾年G7正努力令美元有秩序地貶值，此乃大趨勢；因此，美元必須維持較高利率作補償，相信美元高利率時期較大部分人估計都長。全球貿易失衡，造成全球經濟失衡。美國投資增長仍過快，儲蓄率嚴重偏低，形成貿易逆差擴大；反之，中國一般人缺乏投資機會，造成儲蓄率偏高，形成貿易順差擴大。

　　1980年起美國政府實施擴張性財政政策，係造成美國政府財赤及收支赤字進一步擴大嘅理由。克仔上台後一度致力削減財赤，令雙赤問題一度有所緩解； 2000年殊仔上台後，擴張政策變本加厲，令財赤及收支赤字進一步擴大；反之，亞洲各國經濟體系都以出口導向型經濟為主，加上國際產業結構調整，大量勞工密集產業轉至新興國家，形成新興國家產品大量出口，係造成今天全球貿易失衡及經濟失衡嘅理由。

　　美國TMT股泡沫爆破後，2001年1月3日起開始減息，「九．一一慘劇」後更變本加厲，經十三次減息，將利率由六厘半降至一厘。日本央行為咗對付通縮，亦實施長達五年嘅零利率政策，形成全球性流動資金過剩，更產生大規模跨境流動。今年5月10日聯儲局將利率推高至五厘後，各國似乎致力減少流動資金，令大摩世界指數喺一個月內下跌12％，金價由5月12日七百三十美元跌至6月9日五百四十三美元。6月13日起股市回升但未來大方向係點？仍未清晰。

　　美國又到咗打風季節，估計今年有十六個颶風（去年二十八個）。去年其中四個颶風帶嚟嘅破壞，令一千八百人死亡，損失財物超過一千億美元，係歷史上最大嘅一次破壞。今年又點？冇人可以預測。喺大自然威力下，人類能力變得十分渺小。打風嘅結果可影響天然氣、原油、糖以至橙汁售價。

鋼鐵業利潤全面回升

　　上周五中國政府公布「關於鋼鐵工業控制總量淘汰落後，加快結構調整通知」，再次提出淘汰一億噸鋼鐵落後產能嘅目標，係去年頒發「鋼鐵產業發展政策」及「鋼鐵產業結構調整指導目錄」後第三份指導性文件。中國計劃明年前淘汰五千五百萬噸落後煉鋼能力，形成二至三個年產三千萬噸級、若干個年產千萬噸級具國際競爭力嘅大型鋼鐵企業集團，令國內前十位嘅鋼鐵企業佔總產能50％以上。呢份通知係將去年發表嘅調整目標延後三年！全國落後煉鐵產能主要分布喺河北及山西省，佔該省煉鐵總產能46.9％同50.7％，如喺明年前全部淘汰三百立方米以下高爐產能，壓力太大，難以實現。另一方面，2003年以後新增煉鋼產能 80％未獲核准便上馬。依家問題係舊嘅未淘汰、新嘅已上馬，形成去年9月起鋼價全面下跌，而原材料價格卻上升。今年首季95％鋼材產品價格跌破成本。電費加價、水價上升、污染費上升；加上鐵礦石漲價19％，未來壓力仍在增大。今年1、2月鋼鐵業幾乎冇乜盈利，但3月份盈利較2月升三倍，4月較3月再升 45％，5月較4月升30％，6月較5月升20％。即今年3月份起鋼鐵業利潤已全面回升，雖然鐵礦石加價19％及電費上升。

　　中國本土鐵礦石資源有限，而且品質較低。依家中國入口全球鐵礦石國際交易量45％，估計到2008年佔50％以上，已導致2004及05年鐵礦石供應短缺及大幅加價。控制全球鐵礦石國際貿易市場70％嘅三大巨頭，亦投資數十億美元擴大產能，以滿足中國不斷上升嘅需求。

　　新出爐嘅BP世界能源統計，今年估計全球石油儲量可供生產四十年。去年係第三個上漲年頭，油價平均超過五十美元一桶，較2004年升40％；全球消費升 2.7％（2004年係4.4％），仍高於過去十年平均數。中國能源消費增長率由2004年15.5％，下降至去年9.5％，主因係成功解決發電用煤緊缺嘅問題。今年水電生產上升，估計中國能源消費增長率進一步下降。

　　華電國際（1071）宣布加電費4.4％，或每百萬瓦特時加十一元人民幣，6月30日生效，係過去一年內第一次加電費。華能電力（902）宣布加電費 7.3％。中國電力（2380）加幅最大，達15％。中國電力6月30日增加電費後，估計今年獲利七億八千六百萬元人民幣或每股二角五點一分，較去年升 18.8％，O十一點七倍，不過不失；估計明年獲利八億九千七百萬元人民幣或每股二角八點六分，O十點三倍。

　　7月1日起汽車進口中國進一步下調入口稅：小轎車、越野車、小客車進口關稅降至25％；汽車零部件降到10％。估計措施對內地汽車銷售有一定壓力。駿威（203）面對入口車減稅競爭，估計今年獲利十九億三千七百萬元或每股二角六仙，O十點一倍；明年規模經濟效益下，估計獲利二十三億八千六百萬元或每股三角二仙，O八點二倍，已到咗可以吸納水平。

　　吉利汽車（175）6月銷量略為下降，估計今年營業額仍可增長15％；純利上升一倍，至二億三千萬元或每股六仙。但股價已上升唔少，即使純利上升一倍，幫助仍然唔大，估計今年純利再升50％，至三億五千一百萬元或每股九仙，O重返十一點四倍。公司係好公司，但今年股價已大升，已好難落手了。

　　國家稅務總局地方稅務司處長張勤話，房地產稅並唔係用嚟作為短期調控嘅，但依家房地產稅佔地方稅收三分一，係重要稅收來源，包括房產稅、城鎮土地使用稅、城市房地產稅、土地增值稅、耕地佔用稅、契稅、印花稅、營業稅等八個稅種。1999年中國進行房地產改革，考慮到單位剛剛將房子賣畀職工個人，其中唔少係貸款買入，另外產權亦未落實得清楚，所以暫時冇向個人徵稅。按照房產稅計，將房屋出租嘅租金收入要向房屋產權人徵收稅嘅，個人稅率為4％，企業稅率 12％，日後可能仲要高D，只係政策修訂需要一定時間（香港如將房屋出租，政府抽租金收入15％作為物業稅）。中國政府只係短期內無法實現抽稅，唔代表喺內地將房屋出租唔使交稅。

　　外傳國家發改委依家修訂緊「外商投資產業指導目錄」。外商投資住宅開發建設房地產業將唔再享受「鼓勵類」優待。現行目標2004年11月30日修訂，將外商投資領域分為鼓勵、限制及禁止三大類。如失去「鼓勵」地位，外商投資內地房地產將面對「限制」，不利中國WTO國際形象。

建立優質民主避免黨爭

　　2000年民進黨憑選票取得台灣管治權，係華人社會中首次，應係中華民族嘅光榮。不過，過去六年多嘅問題，並冇向世人顯示民主政制優良嘅一面，反而迅速暴露粗糙民主嘅缺點（黨爭）。依家國民黨係立法院內成為少數派，冇三分二議員支持下無法罷免總統；另一方面，國民黨又有足夠議席阻止民進黨進行改革，結果拖拖拉拉六年多，台灣經濟陷入泥氹。

　　香港亦在爭取普選，我地係咪有能力防止類似台灣嘅例子喺香港出現？過去九年香港雖然未致發展成為黨爭，但無謂嘅爭抝早已令香港經濟停滯不前。點樣引入優質民主，避免出現粗糙民主出現？呢點更令人關心。走向民主已係世界大方向，問題只係時間，點樣建立優質民主、避免陷入黨爭亦好重要。

　　路訊通（888）停牌。
　　中國香精香料（3318）、財華社（8317）、駿新集團（091）停牌，宣布配售新股。
　　祥泰行（199）7月5日起改名澳門祥泰地產。
　　■神州數碼（861）、同得仕（518）、冠華國際（539）、莊士機構（367）7月12日；新昌管理集團（2340）、南聯實業（098）、南聯地產控股（1036）13日；長江製衣（294）21日；恒生銀行（011）31日；東亞銀行（023）8月4日；香港交易所（388）16日公布業績。

　　7月2日，周日。近期屢現藍天白雲，睇落唔通環保方面漸見成效？

　　上周美元又回落到1.279兌1歐羅，係6月8日以來低點；兌日圓見114.42兌1美元。今年第二季美元兌歐羅唔見5.3％、兌日圓下跌2.8％，係 2004年第四季以嚟跌幅最大嘅一季。美國消費信心升至84.9（5月份79.1），估計第三季歐羅將加息四分一厘，至三厘，年底見三厘二五。如美國未來唔再加息，美元滙價肯定受壓。

　　日圓十年期債券已連續兩季下跌，2016年6月到期債券孳息見一厘九二；估計未來三個月內日本將放棄零利率政策，利率將見零點二五厘。5月份日本 CPI升0.6％（4月份升0.5％），係連續七個月上升，亦係1998年至今最長嘅一段日子上升。7月3日日本「短觀」報告發表後，相信有助進一步睇清日本經濟。

　　美國商業部發表5月份三個月核心通脹率仍係2.9％，未見回落，同市場估計8月8日美國唔再加息不符。今年美國首五個月通脹率已達5.2％（去年同期 3.6％），短期利率五厘二五未能阻止CPI進一步上升。三十年期固定利率貸款已升上六厘七八，係2002年5月以嚟最高，睇嚟8月8日加息機會仍大於唔加息。

8月加息無可避免

　　今年上半年喺聯儲局第十七次加息後結束。上周四貝南奇再展鴿派面孔，引發股市大反彈（但各位唔好忘記，1月份聯儲局首次將「measured」呢個字刪去，當時唔少人已認為利率快將見頂，但其後再加息四次；3月份曾用「a pause was imminent」字句，市場反應更熱烈，結果……。7月14日美國將公布6月份CPI，到時更多人相信8月8日加息應無法避免。今年首季美國GDP升 5.6％，以十分成熟嘅美國經濟而言實在太快，美國經濟更需要冷卻。6月29日升市，相信同6月結有關，所謂利率快見頂只係藉口。估計第三季美國經濟增長率才放緩，因此不但6月份CPI仍上升，恐怕7、8月份CPI也將繼續上升。高能源價格問題未解決；各國中央銀行仍在抽緊銀根；美國房地產市場在放緩中，三大因素至今未改變。雖然反對加息嘅美國人係三比一，但加息、減息唔係根據民主政制（少數服從多數），而係現實需要。今天通脹上升係過去幾年貨幣泛濫結果，如果唔抽緊，美元滙價將急跌。無論貝南奇用乜嘢面孔，短期通脹仲喺上升，經濟增長率將進入放緩期。

通脹憂慮下半年重現

　　上周五金價升4.7％，見六百一十六點七美元一盎斯。黃金由1980年八百五十美元回落到1999年二百五十三美元，兩年後2001年見二百五十二美元，形成雙底後進入牛市。去年12月升穿五百美元，今年5月創七百三十美元高位才回落，到6月低價五百四十三美元，相信黃金牛市一期完成，進入牛市二期，即金價喺五百四十三至七百三十美元有排搞。反之，美股牛市1982年開始，2000年結束，到2002年10月完成熊市一期。由此開始出現熊市中最大反彈，至今年5月結束，之後進入上落市及個別發展。上周石油股、基本金屬股又再表現出色，後市展望股市愈嚟愈choppy！TIPS（Treasury Inflation Protected Securities）利率又再上升，而美元滙價回落，睇嚟下半年對通脹憂慮又再上升。

　　雖然日經平均指數由4月份起又回落，5月份日本CPI升0.2％，失業率跌至4％，好肯定日本經濟已從通縮中爬番出嚟。雖然2003年日股O仍高達二十九倍，今年更高，不過一旦解決通縮問題，日本企業純利未來十至十五年都可進入高增長期，因為日本企業正建立中國市場。中國人及日本人都有高儲蓄率，唔似美國人高負債率，利率上升到某一水平令實質利率高企（例如高於CPI增長率二厘），美國便進入消費放緩期。　

　上周南韓、香港、新加坡等股市表現皆不俗【圖】。MSCI新興市場指數今年上半年升5.6％（較5月高價仍低15.5％）；金價升19.5％（較七百三十美元低16％）；油價上半年升21％。從呢點睇，8月8日無法唔加息。

變臉王帶來一天驚喜

　　無論賺蝕，今年第二季已成過去，對唔少人而言感覺有如坐過山車。貝南奇係變臉王，5月10日佢突然轉為鷹派，嚇死唔少人；6月29日又變番鴿派，而帶嚟「一天驚喜」。日本銀行第二季抽資過分積極，共吸走超過三千億美元，引發日經平均指數自4月7日起回落，成為全球成熟市場最先回落嘅股市之一。6月13 日後日本銀行又放回部分資金入市，但同時揚言7月份再抽資。7月日本銀行嘅決定，將成為影響世界股市另一重要因素。今年已過咗一半，今年各位投資成績如何？恒生指數由年初15126點升至6月30日16267點，上升7.5％左右，如果你能夠喺今年上半年賺取10％回報，已跑贏大市。展望下半年，美國經濟開始進入軟着陸期，由於美國經濟早已改為第三產業為主，唔再依賴製造業，因此原材料價格上升及油價上升，唔應該產生類似七十年代式通脹，而過分影響企業純利表現。服務業70％開支係薪金，喺外判威脅下，薪金上升幅度唔可能好大，因此未來CPI亦唔會大幅上升，反過嚟亦唔會過分刺激短期利率大升。

　　我老曹相信，利率最大可能性係止於五厘半。打高爾夫球通常有十八個洞，依家聯儲局只打完十七個，仲差一個洞才完成；何況依家六個月期聯邦基金利率已經係五厘三。6月29日第十七次加息係咪經濟晨曦？相信係7月份最受爭議嘅問題。6月13至29日上升，到底係另一升市開始抑或熊市中反彈？6月29日前一般人睇得太淡（有人認為會加息半厘，有人認為利率可升至六厘以上），係造成6月29日股市急升嘅理由。Ned Davis認為，6月13至29日只係熊市反彈，佢建議45％持有股份，35％債券，其餘係現金。6月14日只有43.5％嘅投資者仍睇好，但到咗6月 29日睇好者已達65％。根據四年周期，今年應係回落年。自2000年起美國財富愈嚟愈集中喺社會上5－10％人口手中，係唔健康現象（上述情況香港 1997年8月已開始）。中產負債太重，經濟遲早出現大調整，估計GDP增長率由今年第一季5.6％逐步走向只有3.5％增長。今年債券表現以歷史角度睇好正常，唔太高又唔太低；反之，聯儲局2001至03年過分積極減息，造成今天通脹率上升。年底短期利率止於五厘二五抑或六厘？仍有待觀察。

　　根據傳統智慧，短息停止上升，股市便會上升，例如1989及95年，但當時冇孳息曲線倒轉。反之，出現孳息曲線倒轉者，即使利率停止上升，亦係股市回落期，例如2000年3月。今天美元滙價好弱，美元利率達五厘二五，而歐羅二厘七五、日圓零利率，美元仍無法出現強勢滙價。各國央行都希望美元滙價回落，但唔係急跌，而係有秩序地慢跌，即未來減息機會唔大。我地如果研究十年期債券與聯邦基金利率差，2002、03、04年兩者相差達三厘，但去年起收窄，今年更出現孳息曲線倒掛現象（長息低於短息），代表市場唔鼓勵長線項目如買樓或資本性投資，情況有如2000年。日前三個月利率五厘二五，十年期五厘三，情況有D似1995年，當年係資金收緊後一年GDP增長率早已放緩，但冇出現衰退，因此1995年減息後股市恢復上升。呢次又點樣？我老曹睇加息周期已極之接近完成（我老曹睇五厘半），即最大可能性係仍再加息四分一厘，但唔肯定股市係咪由6月13日起上升。近日油價愈嚟愈令人擔心，能源股已重返五十天移動平均線之上，代表5月8日至6月12日油價回落只係一次調整，艾克森石油股價再次出現一浪高於一浪。但金價仍未重返五十天線之上，技術上睇仍處整固期，相信其他金屬價格亦一樣。1973-74年油價上升，不利股市，更加不利樓市；新一輪油價上升會否產生相同效果？值得注意。5、6月油價喺七十美元水平有頑強抗跌力，令人擔心。7月4日開始美國放暑假，AAA汽車會估計約有四千零七十萬人平均揸車五十哩，較去年多1.2％。依家美國原油存量三億四千三百七十萬桶，較一年前多4％；但汽油卻較一年前少一百萬桶或2％，只有二億一千二百四十萬桶。油價雖然較一年前升30％，似乎未能壓抑美國人揸車嘅興趣，7月同8 月油價將如何？

重慶樓價有上升空間

　　5月8日VIX開始上升，代表投資者對前景憂慮，開始買認沽期權，6月13日達高潮。6月29日忽然又對前景充滿信心，把手上認沽期權大量出售，從呢點睇，6月13日起嘅反彈市可能已升得差唔多。熊市二期往往喺大部分人睇淡大市時便反彈、當大部分人睇好大市時便見頂回落，因大方向只係上落市。今年下半年經濟大方向係由過去高增長期進入放緩期。美股2002年10月（港股2003年4月）開始嘅上升喺今年5月結束，唔排除6月13日股市短期見底。後市展望，恒指喺15200點以上玩上落市及選擇性投資，投資以個別發展為主。由於6月30日已收復前跌幅一半，令下半年股市更難玩。

　　重慶樓盤平均價唔到三千元人民幣一平方米，高檔花園洋房社區價格亦喺三千五百至四千元平方米，而且按內地面積計（唔係建築面積）。美國賽智基金公司中國區負責人林曉哲認為，以重慶經濟發展速度、房價與人均GDP比例睇，重慶樓價不但冇泡沫，而且仍有上升空間。　

　廣州十區住宅6月平均價較5月上升七百三十五元平方米，平均價六千九百三十一元一平方米。房地產新政實施以嚟一個月，廣州房價仍然上漲，漲幅唔係一手樓而喺二手樓，但成交額下降三成；二手樓平均價四千二百元一平方米左右，上升5％，另加5％營業稅，即升幅10%。

粗糙民主制度礙經濟發展

　　1955年畢非德購入巴郡哈撒韋紡織公司控制權，1965年將佢改組為投資控股公司，持有可口可樂、華盛頓郵報、通用電氣、吉列刀片等股票。巴郡股票喺今年6月30日每A股市值九萬二千一百美元、每B股市值三千零六十七美元，過去四十年（1965至2005年）投資回報平均每年達20％！《財富》雜誌估計，畢非德身家達四百四十億美元，最近宣布將其中85％捐出嚟為公益。你能令自己資本每年升值20％咩？如果只係一年看似容易，但能否保持四十年每年皆升值20％？如果你可以做得到，你就係另一個畢非德。

　　邱吉爾認為，民主係組成政府最惡劣嘅方法，即係讓51％人口向49％人口實施獨裁，以及阻礙政府有效率地運作；但上述係必須接受嘅「惡」，以防止真正獨裁者出現。為提升民主國家政府效率，我地必須選出代表去為大部分人民作決定，以免陷入無聊嘅爭拗。回顧香港回歸九年，充分印證咗邱吉爾嘅智慧，香港粗糙而不精緻嘅民主所產生嘅無聊爭拗，令特區政府過去九年喺操作上除咗決定興建迪士尼主題公園外，其他項目皆陷入無聊爭拗。民主唔係順從民意，而係領導人民去提升整個社會及國家嘅質素！最近佛利民提出，中國與印度比較，前者冇民主，但利用資本主義制度提升整個社會及國家嘅質素；印度雖然有民主，但要到九十年代才逐步放棄社會主義。今天中國人均收入係印度嘅一倍！過去二十八年資本主義制度較民主制度更能改善社會或國家嘅質素。香港要發展出精緻嘅民主制度，才有助提升整個社會質素，粗糙的民主制度反而妨礙經濟發展，例如印度及台灣。精緻嘅民主制度係建立良好嘅代議政制，例如英國同美國，以便發揮集思廣益作用，而非粗糙嘅民主（51％人口向49％人口實施獨裁管治），例如台灣。

　　Pricewaterhouse Coopers估計，2050年的G7經濟大國係：中國、印度、印尼、巴西、墨西哥、俄羅斯及土耳其。1980年起，世界經濟發展開始由OECD國家流向新興工業國；1990年係日本及歐洲經濟見頂年，2000年係美國經濟見頂年；反之，1980年係中國興起年，1990年係印度、巴西等，然後係印尼、墨西哥，近年係俄羅斯及土耳其。上述才係經濟大潮流，估計下一個將係非洲，埃及股市去年升158％、贊比亞升111％、烏干達升71％。

非洲為另一個可睇好地區

　　今年新興股市調整，但非洲國家股市未見出現大調整，相信非洲係繼印度之後另一個可睇好嘅地區。最近溫總理亦有非洲之行，非洲天然資源豐富，過去只係連年戰爭阻礙發展。隨着戰事漸平息，非洲經濟近年亦起步走，成為印度之後另一新興經濟區。換言之，過去由美國、歐洲、日本以及OECD壟斷經濟嘅大時代已隨着中國經濟興起而告終，然後印度、東歐、俄羅斯、土耳其，最後係非洲，整世界開始走向平衡，再唔係OECD國家獨大時代，世界資源得以重新分配。

理財投資 信報財經新聞 曹仁超 2006-07-01 投資者日記 左搖右擺玩死人

　　6月30日，周五。恒生指數升402.4，收16267.62，指數重返五十天移動平均線之上；成交四百零五億一千五百多萬元。7月期指升411點，收 16316點高水。MSCI亞太區股市指數升3.7％，即第二季只跌3.3％（仍係2004年6月以嚟跌幅最大嘅一季）。印度股市今天升4.4％、菲律賓升4.5％。認為8月8日聯儲局會再加息者降至62％（之前估計80％），令出口股大升。信置（083）升7.4％，見十二元四角；中石油（857）升 3.8％，見八元三角。

　　人民幣升0.03％，見7.993兌1美元，係去年7月21日以嚟最高。今年內韓圜升6.5％，日圓升2.7％，人民幣升1％。

恒指同50天線接吻

　　6月13日嚇死人嘅場面，唔少人仍未忘記，6月30日又開「派對」？利率上升及GDP增長率放緩嘅烏雲仲喺天上，並冇改變，卻因貝南奇唔提8月8日再加息而咁快天朗氣清？似乎太太太戲劇性矣，令人擔心係貝南奇自己亦搞唔清楚，結果令股市大升大降，迷失方向。科網股泡沫爆破及「九．一一慘劇」後，保持經濟增長成為聯儲局嘅責任。依家壓抑通脹率成為聯儲局首要項目，尤其中國產品出口價正上升中，能源價升緊，服務成本亦增加，點樣令通脹率保持1％至2％增長？股市上升後，貝南奇可能又後悔，日後又以強硬姿態出現7月份聽證會亦唔奇。由呢點睇，投資策略都係保守D好。

　　喺熊市中，長期持有必輸。熊市投資策略係利用每次超賣才入市，例如6月13日極度超賣時可以一博，通常反彈止於五十天移動平均線【圖】。周五恒生指數見 16249點又可獲利回吐，等候另一機會出現。由於恒指略高於五十天線，令人質疑6月13日起呢次上升到底係反彈市抑或係升市，短期無法回答，要睇多一、兩個交易天才知。以指數計，6月13日至今升幅超過1000點，利潤亦不俗。所謂牛熊分界線只係喺沙灘上劃界，並唔重要。6月13日跌穿二百五十天線時，好多人唔係擔心熊市重臨咩？到依家又質疑牛市未死，此乃熊市二期特色。股市只係上下擺動，應利用低風險時入市（例如超賣之時），高風險時離市（例如超買之時），何須計較係牛係熊？熊市反彈通常快而急，指數由極度超賣重返合理水平，6月13日至今表現符合上述要求。熊市策略係常保彈藥，呢次恒指同五十天線接吻，係咪goodblye kiss？貝南奇過去五個月表現唔係冇迹可尋，以其一時一樣嘅言論，跟住佢冇啖好食。如從核心通脹率睇，未來加息潮未完。

睇多一兩天再算

　　周四道指成分股中，升幅最大係麥當勞升4.6％（因美林推介），其餘係資源股及交通股。銀升1.9％，銅價升4％，見三點三二美元一磅；銀價上升 1.9％，見十點四五美元；油上升1.8％，見七十三點五二美元。First Trust Advisors公司嘅Bill Mulvihill仍相信年底利率見六厘。歐羅升0.88％，見1.2659美元；日圓升1.01％，見115.18日圓，在在顯示8月8日仍須加息。周四聯儲局係2004年6月以嚟首次冇表示考慮下次加息，而改為話睇未來數據。上述態度改變令道指上升接近2％，納指升接近3％；加上美國商業部公布美國首季GDP升5.6％，似乎唔受高油價影響。上述消息令唔少市場評論員主張好消息入貨，周四美股上升係「一天的疑惑」抑或係6月13日股市真係見底？今年2 月1日貝南奇上任後，佢嘅左搖右擺言論已唔止一次令市場作出錯誤決定。周四係咪另一次淡友大平倉行動？我老曹意見係睇多一、兩天再算，因市場常常出現半杯水現象，例如周二道指下跌120點，周四又急升217.4。

　　商品價格再升，令未來通脹壓力加大而非減少，擔心貝南奇再犯七十年代聯儲局主席米路士同樣錯誤，最後令投資市場對美元失去信心引發美元滙價急跌，全世界進入惡性通脹期。由此可見，由邊個做領導好重要。中國由毛澤東領導時，便大搞文化大革命；改由鄧小平領導，便搞改革開放……。結果1978年中國經濟一窮二白，到今天中國卻坐擁全球最多外滙儲備。我老曹愈嚟愈肯定貝南奇只宜做教授，唔適合做聯儲局主席。未來美國經濟繼續左搖右擺，好易玩死人。

　　加息會否傷害經濟？要視乎利率水平而定。如利率高於CPI增長率二厘以上，肯定可造成傷害，反之則唔會。美國今年首季GDP上升5.6％，係兩年嚟最快。其中消費者開支升5.1％（去年第四季升0.9％），商界喺軟件開支方面升14.8％（去年第四季升5％）。受風災影響，今年第一季美國GDP增長率特別快，理論上利率要升至六厘二五才會對經濟造成傷害，至於未來利率停喺邊個水平？將成為金融圈最熱門嘅猜燈謎遊戲。從客觀因素睇，利率見五厘半嘅客觀環境並未改變。

　　呢次係咪牛市綠燈重開？仍然木宰羊。上一次減息由2001年1月1日前嘅六厘半開始。8月8日加息機會雖然由80％降至62％，但加息機會仍超過一半。至今為止，標普五百指數仍較5月 10日低6％、納指低9.7％、債券價格略低、金價仍較5月10日低16％；油價仍處於令人擔心水平，而且已完成4月至今嘅整固期，擔心進一步上升。銅價由5月11日嘅三點八三美元一磅跌至6月11日嘅二點九五美元，依家重返三點三一美元，仍較高位低15％。周四美股係五星期內第十四次有80％股份上升或回落嘅日子，係戰後少見，代表好淡雙方爭持激烈，任何一方勝出，股市都會大波動，分別只係向上或向下。

　　日本CPI出現八年內最大升幅，核心通脹率升0.6％，係連續第七個月上升。失業率跌至4％嘅七年低水平，5月份工作崗位相對求職人口係1.07，為 1992年7月以嚟最高；加上大企業打算今年增加開支9％（較3月份上升三倍），7月3日短觀發表後，相信日本銀行將考慮取消絲路利率政策。

零售業邊際利潤進一步下降

　　香港零售業却進入逆風而行嘅時代。失業率下降令營業額上升，但同時亦令零售業薪金成本及租金成本上升，如下半年香港GDP增長率放緩，零售業邊際利潤進一步下降不足為奇。展望零售業最好嘅日子已過去，今、明兩年邊際利潤面對壓力（租金去年升幅20-30％，售貨員薪金升5％至10％）；再加上澳門零售商場大量落成，將搶走唔少大陸客生意（澳門租金較香港便宜，薪金亦較香港低，相同產品喺澳門出售，可較香港便宜10％到20％）。莎莎（178） 2005╱06年度營業額升13％，利潤卻跌8.4％（下半年度純利跌幅更達17.6％）；經營溢利邊際收益少3％，至8.5％，主因係營運成本上升。莎莎營業額88％嚟自港澳區，至於新加坡及中國業務仍係虧損。港澳五十三間分店，其中十七間租約快到期，睇嚟2006╱07年度純利仲係向下。

　　5月8日至6月13日跌幅最大係細價股，因為加息對細價股影響較大，抗跌能力亦較差。如6月13日股市真係見底，新一輪炒上嘅細價股點睇？科技產品公司（包括個人電腦及手機）面對壓力較大，其他如數碼通（315）喺開拓3G市場，有線頻寬頻（1097）喺世界盃之後嘅廣告收益都面對壓力。礦務股方面，仍係炒上炒落，6月份內地鋼價又回落2％至9％（唔同產品而定），下半年鋼鐵股獲利方面有一定壓力。石油股短期仍可上升；內地銀行股因息差拉闊，可進一步睇好；航運方面，仍面對供過於求，有反彈冇上升；電力股短期可睇好。

　　呢幾年中國重新重工業化，加上勞動成本優勢突出，令中國造船業前景一片秀麗。2003年起航運業復甦，全球各造船廠訂單大增，令造船業走出谷底；去年更出現爆炸性上升，造船產量、新船訂單量均創歷史新高。去年中國完成新船下水一千二百七十萬載重噸，全球排名第三；生產計劃已排期到2010年，今年船東想訂購新船亦冇可能。估計2010年中國造船能力可升至四千萬載重噸，取代日本及南韓，成為世界排名第一。估計到2015年造船能力達八千萬噸，成為全球最大嘅造船基地。

　　中國宣布每小時每百萬瓦特電力加二十五元人民幣，即平均電費上升7.3％左右，因煤價已上升10％。雖然加價，只要電力供應充足，仍較廠商自行發電便宜，相信可以接受，但將令中國 CPI上升一DD。今天華能電力（902）升3.52％，大唐電力（991）升3.85％，華電國際（1071）升3.53％。

　　商業投資僅次於房地產項目，可推動經濟增長。廉價資金不但令消費者增加消費、增加買樓，同時令商業增加投資起新工廠、新設備及擴張，令就業機會上升及經濟繁榮，但對通脹率不利。降低通脹率嘅方法係利用高息去減慢置業速度，同時減慢商業投資，可令金屬、能源及其他原材料跌價。5月10日聯儲局加息，率先令銅價回落，就係一個例子，但6月29日卻冇相同作用。雖然三十年固定按揭利率升至六厘八六，係2002年4月以嚟新高，已抑制美國部分樓宇嘅購買欲，之後又點？

　　過去十年中國引進十一套熱軋帶鋼連軋機，都係當今最先進嘅設備，其中85％機械設備嚟自進口，但核心技術中方仍未掌握。上述係中國企業面對嘅最大問題，一直以嚟只引進設備而冇引進技術，核心技術仲係掌握喺外國人手中。上述情況不但出現喺鋼鐵廠，其他行業亦差唔多。

　　國土部將於7月1日起正式實施「補充協定」，就出讓土地完工時間、投資總額、投資強度作明確規定，有望遏止開發商延期開發土地嘅現象。一直以嚟內地囤積土地好普遍，開發商取得土地使用權後一年內開工嘅只達總開發面積三分一及總投資額四分一。由於冇嚴格規定開發進度及完工時間，大量土地被開發商囤積起來，分期開發、拖延完工日期。「補充協定」能否真正解決土地囤積問題？走着瞧。

快樂不在於華衣美食

　　中國開放水處理行業嘅商機，已引起陶氏化學收購浙江湖州市歐美環境工程公司，收購價未公布。陶氏喺水淨化方面係佔世界領導地位嘅部件供應商，1995 年已喺中國致力處理系統工程設計與實施，包括海水淡化、廢水處理、飲用水處理等，喺浙江湖州建有五千六百方米膜技術研發中心。陶氏有三大部件技術：超濾、膜生物反應器及連續除鹽。

　　雖然全球70％表面由水覆蓋，但只有2.5％係淡水，其中大部分變成南、北極嘅冰川，只有0.007％嘅水係人類可取用。聯合國估計，二十五年後超過五十億人口冇足夠水飲用及洗滌！即使今天，全人類亦只有20％人口能夠扭開水喉便有乾淨食水，80％人口每天須用六小時去取水！今天超過50％中國人飲用不潔食水，令中國有全球最高死亡率嘅肝癌及胃癌，至於拉肚子病症更不計其數。如無意外，水資源將係二十一世紀另一問題，而且好快發生。

　　過去以為美好嘅生活係華衣美食兼豪宅，隨着年齡增長，發現真正美好生活卻係三兩知己、一杯香濃咖啡或紅酒，朗月清風，天南地北互相意見交流，感覺好舒服及隨和。自己開心，別人亦開心，自己感覺自由，別人亦感受到自由自在。冇負債、冇令人心神困擾嘅責任、冇壓力甚至無所求。快樂可以係一杯紅酒或白酒、礦泉水，甚至只係清水一杯，分別唔大；最好有D食物，例如西班牙黑豬肉、台灣牛肉乾或者瑞士發霉芝士。最重要反而係朗月清風、良朋好友，地點可以喺家中、山頂或沙灘。到咗一把年紀，真正感受到「對酒當歌，人生幾何」，快樂再唔係乜嘢華衣美食或豪宅了。年紀愈大，健康愈被重視。今天私人看護已非一般人可以負擔（年薪約四十萬元，唔少人以菲傭代替）。如身體健康，許多醫療開支已可省掉，其他生活開支並唔大。

　　港佳控股（605）停牌。
　　蒙牛乳業（2319）停牌，大股東以每股九元至九元二角配售六千六百四十萬股舊股。今年蒙牛股價已上升48％，同期恒指升9％。
　　■新世界數碼（276）7月11日；遠東發展（035）15日；建溢集團（638）24日；晶門科技（2878）8月3日公布業績。

理財投資
P09 信報財經新聞 曹仁超
2006-06-30
投資者日記
恒指更能代表股市升降

　　6月29日，周四。恒生指數升122.56，收15865.22；成交二百七十八億九千四百多萬元。6月期指結算，收15881點，升126點；7月期指收15905點，升116點。股市從6月13日極度失望中漸漸回升，最惡劣日子係咪已成過去？

　　9月恒指改革，將加入H股。慑咁鹢情況下，將削弱恒指成分股所佔比重，類似盈富基金（2800）等投資基金須減持恒指成分股，而增持部分新納入鹢H股，其中最有可能成為恒指成分股者有安徽海螺水泥（914）、馬鋼（323）等。依家上市H股有八十四隻，部分納入恒指後，可令恒指更能代表股市升降。最受影響係?控（005），鹩金融股中佔比重達57.6％，日後可能降至37.9％；最大可能係加入建行（939），去年10月上市至今已較招股價升47％。更多內地銀行股來港上市，即恒生金融分類指數將會不斷納入新銀行股作為成分股，造成?控未來所佔比重一降再降。另一隻係中移動（941），依家所佔比重亦大，日後亦將下降。未來恒指將反映中國經濟而非香港經濟，一如日經平均指數反映日本經濟而非東京，道指反映美國經濟而非紐約。7、8月股市表現部分受恒指改動成分股影響。

技術超賣開始糾正

　　6月13日股市技術上出現嚴重超賣，依家情況已漸漸糾正。熊市殘忍之處，係不但鹩熊掌之下好友損失慘重，同時亦將冇耐性者趕出去並加以懲罰，包括過去利用跌市拋空者，因為熊鹢責任就係令大家唔見蚊年！5月份懲罰完好友後，6月14日起懲罰拋空者。至於未來大方向？相信下周會清楚呢次到底係熊市中反彈抑或整固後再升。呢次鹩極度超賣下反彈，一般無法重返五十天線之上，即16200點死線無法再見；反之如第二次跌穿二百五十天線便得小心，代表鐘擺又擺向另一邊【圖】。如無意外，反彈市本周完成，擔心7月3日重演5月10日鹢事件，即加息後引發一輪拋售潮。Unwind行動仍未結束，只因6月13日股價偏低而一度暫停。2月10日至6月12日日本銀行共抽走一千八百六十七億八千萬美元，平均?價115.432日圓，6月14日起擔心日經平均指數跌幅太大，近期已放回七萬五千億日圓入金融體系內。7月份起日本銀行又再抽資。

　　每天超過一百萬人研究股市方向，但冇人肯定知道明天或下周股市會點樣，反而中長線方向較易掌握。例如2002年10月開始鹢美股反彈今年5月結束。現今股價相信已反映6月29日加息四分一厘，但有冇反映進一步加息？愈哑愈多人相信聯儲局將利率推上五厘七五甚至六厘， 7月19及20日貝南奇將出席銀行委員會聽證會發表言論，對後市有一定影響。貝南奇2月1日上任後表現得優柔寡斷，引發2月至5月金價上升及天然原材料價格上升；5月10日突然表現強硬，令金價及天然原材料價格回落。至於6月29日表現如何？本文見報日大家已知道。作為教授可以隨和D，但做官必須有官威……。貝南奇2月至5月鹢表現，令美元?價回落6％，通脹預期增加三十基點（從TIPS反映）；佢最大破壞係鹩4月27日慑國會鹢表現，以及其後對 CNBC女記者講外界誤會鹪佢鹢意思。好彩5月份起聯儲局其他成員紛紛出面而且態度強硬，才?回美元?價，6月5日鹩國際金融會議上則表現不俗，但鹩6月 15日芝加哥經濟學會表現仍失分；睇落貝南奇仲未習慣做聯儲局主席。做教授係講理論，做聯儲局主席係講市場成效；書生論政頭頭是道，書生執政卻一塌糊塗。如果佢要對抗通脹，將它壓至目標通脹率（1％至2％），就去做吧！如果擔心影響樓市，請唔好講通脹目標啦！金融市場係講實力唔係講道理鹢地方，小心走上 1976至79年前聯儲局主席米路士之路（最後人人當佢冇到，令美元國際地位一落千丈）。金融市場缺乏耐性，如六個月內貝南奇都冇料到就係咁先。如佢欲洗刷2002年?直升機擲銀紙鹢形象，擔心呢次加息潮將過猶不及。

輸錢千萬別趕注

　　你今年賺唔到蚊年咩？唔好難過，今年好多人陪你。今年相信係2003年以哑最難賺錢鹢一年，唔少人今年利潤早鹩5月8日至6月13日跌市中失去。作為炒家，最討厭冇鹂做，股價波動而自己冇貨的確幾冇癮，此乃6月13日至今股市不斷波動鹢理由，目的只係消耗各位手上鹢購買力。如果你覺得悶，最好同你另一半去旅行，例如坐火車去西藏（7月1日通車），而唔係鹩金融市場手多多。炒上炒落，遲早撞板。周五香港才知聯儲局鹢決定，站鹩風險回報率睇，現水平港股仲係博唔過！捕捉上落市有如同影子玩捉迷藏，輸家永遠係你自己。如果你冇sell in May，你可能憎個市累你輸錢，甚至憎走勢（太多買入、賣出訊號），但千萬唔好趕注。賭仔輸大錢鹢理由係趕注，將好錢擲落壞鹪鹢投資項目上希望打和。一旦輸錢，最好離場（唔怕磨爛蓆，只怕塘邊鶴）。蝕本唯一應對策略係計數離場，第日再玩過。

　　世界不停在變，1987年股災好似係昨天鹢事，原來轉眼就快二十年。1997年好似過鹪冇耐，原來已經九年啦。樓價鹩1997年後首六年回落65％，最近三年又上升65％，但仍然唔少人要蝕本（由一萬元一呎跌65％見三千五百元，上升65％後亦只有五千三百元）。香港勞工薪金自從1980年起漸漸失去議價能力，因為工廠內移，令一百一十萬製造業工人須重新就業；加上每年哑自中國三萬六千多新移民加入競爭。1997年起香港中層打工仔亦漸漸失去議價能力，因為服務業後勤基地內移，估計最少一百萬中級職員須重新搵工。通縮往往由工資及薪金停滯不前（或回落）引發，因為產品及服務愈哑愈難搵買家。勞工階級薪金不前，只令香港廉價產品無法加價，但中級職員再就業困難，才係香港1997年起樓價回落鹢元兇（唔係八萬五政策）。分析未來樓價，主要睇未來中級職員就業機會，便可大概知道。

　　投資首重方向，如方向錯誤，一切都枉然。其次係唔信市場貼士，只有酒樓服務員或的士司機才要人畀貼士，市場貼士十之八九係流言（真鹢消息別人唔會話你知，講你聽鹢通常係假消息）。最好唔好感情用事，投資需要理性而非感性，恐慌時沽出者，事後都證明係做錯；每次受貪念支配入市，事後亦付出代價。

　　1997年8月後，行業盛衰較大市方向更重要。我老曹擔心商品鹩5月11日見頂回落，黃金見七百三十美元後有排搞。每一代人都有難忘鹢惡夢，影響整個人鹢邏輯思維。例如經歷過文化大革命鹢一代，鹩1982年聽到中國政府宣布收回1997年7月1日主權，引起莫名其妙鹢恐慌；或睇過1967至97年樓價由幾十元一呎漲至過萬元一呎，即使經過六年樓價回落期，只要有錢仍會去買樓一樣。睇過1980至2001年黃金變爛銅者，亦係打死佢都唔會再去買金。每個人都有自己鹢惡夢，係無法解釋鹢結。

黃金低潮應在7月

　　2001年起鹢通脹，唔係需求超過供應推動（中國、印度、東歐及前蘇聯重返世界經濟體系，令全球物資供過於求），而係中國過分投資固定資產，刺激天然原材料價格上升。其後對沖基金加入，將原材料價格升幅進一步誇大，其中包括泡沫成分在內。今年「十一．五」規劃下，中國決定改變經濟增長模式，只係一時未見效。今年5月係咪改變鹢開始？如果全球經濟自由化（而非1945年戰後有一半國家採用社會主義及共產主義式制度），即重返三十年代、四十年代環境，所有物資長遠而言係供過於求。更何況利率回落期引發鹢金融資產升值潮由1980年開始，2003年結束。1990年開始日本一再出現通縮，1997年8月起香港亦出現過通縮，貝南奇卻要對付通脹，係咪唐吉阿德鹢風車？如果利率再加多二、三次，恐怕殺死鹢唔係通脹，而係全球經濟繁榮。商品派對5月10日到底係中途歇歇抑或係尾站？仍搞唔清楚。最難分辨係中期調整與死貓反彈，往往要事後才睇得清楚。扣除通脹，1999至2001年商品價格係近二百年最低，今年5月商品價格（扣除通脹）相等於1974年12月高價時鹢三分一價格，情況有如1982至87年股市上升後，1987年10月股災曾令股市失去40％市值（恒生指數跌幅更超過50％），但股災之後牛市繼續。金價由二十六年高位七百三十美元回落到五百四十二美元，係咪相等於1987年10月股災？真係唔知道真正答案。由去年5月31日四百一十三點八美元，升至今年5月12日七百三十點四美元，如調整61.8％，應下跌一百九十五點六美元，理論上可見五百三十四點八美元。呢次金價見五百四十二美元，算唔算已完成調整？技術上睇，黃金低潮應鹩7月，即下月才係決定性鹢日子。

　　UBS、雷曼兄弟、美國銀行分析員不但相信8月8日再加息，而且相信今年內仲會加息！咁不但會令今年下半年GDP增長率放緩，亦將令明年增長率進一步放緩，但又不致引發衰退。如果未來利率唔係止於五厘半，而係五厘七五甚至六厘，明年經濟放緩鹢程度的確有D令人擔心。鹩波士頓市哈佛大學附近鹢住宅，已由年初售價三十二萬九千美元回落到二十九萬九千美元，仲未賣出，此乃1999年以哑首次。美國二手樓價不但停止上升，而且正在回落，5月份美國二手樓交易只達年率六百六十七萬間，而利率仍在上升中。

壓制中國不如投資中國

　　美國新任財長保爾森認為，對中國施壓應轉向要求金融系統開放，而非人民幣升值。1900年歐洲到處都講美國威脅論。英國諗到鹢方法最好，唔係遏制美國崛起，而係到美國大量投資（If you can't beat them, join them！）。

　　二十一世紀中國將和平崛起，限制中國鹢策略已冇用，點解唔到中國投資?!

　　咁做不但符合美國利益，同時亦符合中國利益。站鹩中國立場，引入外資會否危及國民經濟利益？滿清政府時代外資進入中國，賺走中國人鹢白銀，引發通縮，令滿清政府走向滅亡。1900年歐洲資金進入美國，卻令美國日益強大。換言之，引入外資應同時引入技術、管理等，令自己強大，不然中國經濟最終將被外資控制。今天中國引入外資，唔係鹩船堅炮利之下鹢協議，而係兩國對等下鹢貿易關係，應該係良性而非惡性。中國應歡迎外資進入，協助內地銀行改革，然後哑香港上市，吸收更大資金，進一步做大做強中國金融業，而非滿清政府時代中國企業被外資吞掉。

　　美國、歐洲、澳洲、加拿大及其他國家都在加息，連日本亦可能鹩7月份加息，人民幣可以唔加息咩？為鹪對抗資金流入，人民幣實際利率已接近零（如非產能過剩令產品無法加價，恐怕中國已進入九十年代香港式負利率時代）。中國鹩L快速增長及原材料漲價壓力下，已令樓價失控地上升，但因流動資金過剩，加息空間唔大。5月份貸款利率上升零點二七厘效果冇乜；擴大存貸利率差，反而鼓勵銀行增加貸款。美元與人民幣利率差擴大，更多銀行利用利率差進行套利操作，令內地銀行純利大升。

　　瑞信陶冬認為，中國經濟有三「過」：一、投資過熱；二、產能過剩；三、房價過高。上述都係流動資金過剩造成利率偏低鹢結果。貨幣環境一日唔回復正常化，利率水平亦無法正常化。中國呢三「過」暫時無法改，甚至人行亦老鼠拉龜。唔正常鹢貨幣政策（與美元長期掛蘷）造成唔正常?率；唔正常?率形成唔正常利率；唔正常利率造成投資過熱、產能過剩、樓價過高。中國依家情況同八十年代鹢日本、九十年代鹢香港一樣，最後係走上日本之路抑或港式通縮？木宰羊。

券商唔睇好電盈賣資產

　　慑金本位制度下，任何國家長期貿赤，都將面對別國把黃金提走，因此不能長期出現貿赤。1971年12月改用浮動?率制度下，已冇鹪上述威脅，形成美國可以不斷印刷鈔票（或信貸）。1972年至今美國收支赤字已超過三萬億美元，資金供應過剩，便鹩世界各地製造一個又一個泡沫（1971至73年港股係第一個泡沫）。全球經濟進入Boom & Bust期，股票市場、物業市場既可狂升又可暴跌，形成財富急速地轉移。1980年中國加入國際資本流，漸漸成為世界工廠，壓抑全球通脹上升速度，引發全球利率回落期，美國經濟因此進入另一次繁榮期（1983年開始，2000年結束）。2000年TMT股泡沫爆破，美國經濟應該進入衰退期，但2001年1 月起美國利用減息及弱勢美元政策避過鹪衰退期，新增貨幣卻被中國吸收鹪（透過外貿賺返哑或透過直接投資中國而流入），造成2001年至今中國固定資產投資迅速增加，帶動全球原材料漲價。美國增加貨幣所產生鹢通脹壓力，都去晒中國。

　　《京華時報》報道，繼網通就電盈（008）擬出售資產發布反對聲明後，作為網通主管部門及大股東鹢信產部及發改委亦開始介入。由國資委和信產部官員組成鹢七人小組，專程來港對電盈出售資產進行評估，以及分析對網通造成鹢影響，形成事件迅速政治化。美林證券、百富勤等表示，呢次電盈出售資產，因為不明朗因素過多而唔睇好，預計電盈股價可能持續下跌。

　　畢非德格言：畀子女「做事」鹢資本，唔好畀子女「唔做事」鹢資金。我老曹極之同意上述諗法！將太多財富留畀子女，只係逼佢地做二世祖，從此不事生產。畀佢地「做事」鹢資本，讓佢地為自己鹢事業努力同奮鬥，從而享受賺錢過程，咁才係盡責鹢父親。

　　銀創控股（706）配售非上市認股證。

　　■嘉禹國際（1226）、信星集團（1170）7月10日；辰罡科技（8131）13日；有利集團（406）17日；英皇娛樂酒店（296）、英皇國際（163）、東方表行（398）19日公布業績。